Einungis einn blaðamaður frá stóru fjölmiðlunum mætti á fundinn
Þýski gagnafræðingurinn Tom Lausen hélt blaðamannafund á mánudag til að ræða gríðarlega fjölgun þess fólks sem deyr „skyndilega og óvænt“ eftir Covid bólusetningu. Aðeins einn blaðamaður frá stóru fjölmiðlunum mætti. Landssamtök lögskráðra sjúkratryggingalækna (NASHIP) útveguðu gögn, sem ná yfir 72 milljónir tryggðra Þjóðverja.
NASHIP eða „Kassenärztliche Bundesvereinigung“ KBV, er samhæfingaraðili allra 17 svæðasamtaka lögbundinna sjúkratryggingalækna í Þýskalandi. Frá og með 2018 er það fulltrúi um 175.000 lækna og sálfræðinga.
– Samtökin taka virkan þátt í samningaviðræðum um þjónustuframboð lögbundinna sjúkratryggingafélaga og launakjör lækna. Jafnframt sinnir KBV „öryggisumboði“ í samræmi við 75. gr. (1) SGB V, sem er ætlað að tryggja að allir löglega tryggðir sjúklingar fái fullnægjandi sjúkrahúsaþjónustu.
Áhættugreiningu bólusetninga ekki fylgt samkvæmt lögum
Það kom fram á blaðamannafundinum, að sú ríkisstofnunin sem ber ábyrgð á að meta áhættuna af bólusetningum hefur ekki beðið um þessar upplýsingar.
„Samkvæmt 13. kafla laga um sýkingarvernd þurfa Robert Koch stofnunin og Paul Ehrlich stofnunin að meta greiningarkóða frá Landssambandi lögbundinna sjúkratryggingalækna (KBV) með reglulegu millibili til að ákvarða áhrif bólusetninga. En frá upphafi kórónubólusetninga hefur hvorki verið beðið um þessi gögn né þau verið metin.“
„Eftir fjölmargar fyrirspurnir undanfarna mánuði eru KBV gögnin (tímabil: 2016 til fyrsta ársfjórðungs 2022) tiltæk fyrir Martin Sichert, talsmanni Lýðheilsunnar.“
Fjöldi fólks sem dáið hefur„skyndilega og óvænt“ meira en fjórfaldast
Saxað frá afdbundestag.de:
– Frá upphafi kórónubólusetninga hafa orðið miklar breytingar á fjölda sjúkdóma og dauðsfalla meðal íbúanna. Þetta er byggt á gögnum frá Félagi lögbundinna sjúkratryggingalækna, sem Martin Sichert gat metið í samvinnu við gagnasérfræðinginn Tom Lausen og verða kynnt á blaðamannafundinum.
– Sjúklingagögn frá Landssambandi lögbundinna sjúkratryggingalækna (KBV) um aukaverkanir kórónubólusetninga veita ógnvekjandi innsýn: Þegar fjöldakórónubólusetningar hófust hefur fjöldi fólks sem dáið hefur„skyndilega og óvænt“ meira en fjórfaldast. Á hverjum ársfjórðungi, frá og með fyrsta ársfjórðungi 2021, greindust fleiri skyndileg og óvænt dauðsföll af læknum en á hverju ári frá 2016 til 2020 samanlagt.
Með því að nota kóðuð gögn sem ná yfir 72 milljónir Þjóðverja hjá sjúkratryggingum, sést að fjöldi þeirra sem deyja „skyndilega og óvænt“ fer upp úr öllu valdi miðað við fyrri ár.
„Í ljós kom að læknar sáu ekki aðeins 2.487.526 sjúklinga með aukaverkanir af bólusetningu ár 2021, heldur voru einnig miklar breytingar á klínískum myndum og dauðsföllum frá því að kórónubólusetningar hófust.“
Eftirfarandi greiningarlyklar voru metnir til að greina aukningu skyndilegra dauðsfalla:
- R96,0 Skyndilegur dauði
- H96.1 Dauðsfall á innan við 24 klukkustundir frá upphafi einkenna, nema annað sé tekið fram
- R98 Dauði án annarra viðstaddra
- H99 Aðrar ónákvæmar eða ótilgreindar dánarorsakir
- I46.1 Skyndilegur hjartadauði
Eftirfarandi grafík sýnir mikla aukningu á sjúkdómsgreiningum R96 til R99 frá fyrsta ársfjórðungi 2021:
Samkvæmt KBV gögnum fyrir árið 2021:
Aukning á „skyndidauða“ (R96) er +1.082%
Með greiningarlykli R96.1 er aukningin jafnvel +1.673%
Sérfræðingateymið krefst þess að:
- Bólusetningar með kórónubóluefni verði tafarlaust stöðvaðar, þar til komið er í veg fyrir stóraukin dauðsföll vegna bólusetninganna
- Krufningar á öllum þeim sem deyja skyndilega og óvænt til að ákvarða dauðaorsakir
- Skylduskráning á bólusetningarstöðu og notkun bóluefna í öllum látnum og reglulegri birtingu slíkra upplýsinga
- Tafarlaust mat yfirvalda á gögnum KBV og upplýsingum íbúa og lækna um fjölgun sjúkdóma
- Tenging gagna KBV við bólusetningargögn PEI og RKI og birting þeirra
Hægt er að hlaða niður þýsku PDF gögnunum hér og einnig skoða að neðan:
