Hlutdrægni Google kemur skýrt í ljós, þegar leitarniðurstöður eru bornar saman við aðrar leitarvélar
Fyrir mikilvægar miðkjörfundarkosningar í Bandaríkjunum í nóvember hagræðir Google leitarniðurstöðum repúblikönum í óhag og demókrötum í hag. Rannsóknamiðstöð fjölmiðla heldur þessu fram eftir að hafa farið yfir hvernig leitarniðurstöður líta út fyrir mikilvægustu frambjóðendur kosninganna.
10 af 12 kosningavefsíðum repúblikana voru langtum neðar á Google samanborið við vefsíður andstæðinganna, demókrata. Sjö repúblikanar sáust ekki á fyrstu síðu leitarniðurstöðunnar en átta frambjóðendur demókrata lentu í fyrstu sex sætum leitarniðurstöðu Google. Rannsóknamiðstöð fjölmiðla segir við Fox:
„Hlutdrægni Google er óumdeilanlegt, þegar hún er skoðuð borið saman við aðrar leitarvélar.“
Rannsóknarnefnd fjölmiðla skorar á Bandaríkjaþing að rannsaka íhlutun google og hvaða áhrif það hefur á miðkjörfundarkosningarnar
Samkvæmt Rannsóknarmiðstöðinni sýna báðir keppendurnir, leitarvélarnar Bing og DuckDuckGo, allar 12 vefsíður demókrata og repúblikana í efstu fimm leitarniðurstöðunum. Rannsóknarmiðstöðin skorar því á Google að „hætta stríði sínu gegn lýðræðinu“ og krefst þess jafnframt að fyrirtækið opni á gagnsæi algóritmans.
Jafnframt skorar Rannsóknarmiðstöð fjölmiðla á Bandaríkjaþing að rannsaka íhlutun Google og hvaða áhrif það hefur á miðkjörfundarkosningarnar.
Google vill ekki tjá sig um þessar tilteknu ásakanir vegna þess að fyrirtækið segist ekki hafa séð rannsóknirnar á bak við þær. Google neitar neitar því alfarið, að fyrirtækið hagræði leitarniðurstöðum eða hygli ákveðinni pólitískri hugmyndafræði eða ákveðna stjórnmálamenn umfram aðra.
