Á heimasíðu sænska sjónvarpsins segir Christian Caomeris frá því að sú eining sem bruni Notre Dame skapaði meðal Frakka hafi breyst í andhverfu sína. Vegna brunans aflýsti Emmanuel Macron Frakklandsforseti ræðu til þjóðarinnar sem beðið hafði verið eftir með mikilli eftirvæntingu. Þar ætlaði forsetinn að koma með niðurstöðu ríkisstjórnarinnar eftir umræður í öllu landinu sem var hugsað sem svar við óstöðvandi mótmælum ”les giilets jaunes” eða Gulu Vestanna. Í sólarhring héldu allir í sér andanum vegna hins skelfilegs bruna á Notre Dame en svo komu peningarnir inn í myndina. Á einum sólarhring gátu nokkrir franskir milljarðamæringar með einu músklikki millifært mótsvarandi 40 milljarða íslenskra króna til að endurbyggja kirkjuna. Nokkrum dögum seinna er talan komin upp í 130 milljarða krónur.
”Þetta er sjúkt, allt í einu eru allir þeir peningar til sem við höfum beðið um til að bæta skólana, sjúkrahúsin og til þeirra lægst launuðu” skrifuðu Gulu Vestin á félagsmiðlum. Kristin samtök Emmaushreyfingarinnar tísti í sama dúr: ”Þökkum fyrir gjafmildi ykkar, Notre Dame er okkur ofarlega í huga þar sem Abbé Pierre (fátækur prestur sem stofnaði hreyfinguna) er grafinn. En við viljum líka minnast baráttu hans. Ef þið gefið 1% til þeirra fátækustu verðum við afar sátt.” Philippe Martinez aðalritari verkalýðsfélagsins CGT sagði á blaðamannafundi: „Ef þeir geta gefið tugi miljóni evra til að endurbyggja Notre Dame, þá geta þeir hætt að segja við okkur að engir peningar séu til til að hjálpa þeim verst settu í Frakklandi.“ Olivier Faure leiðtogi sósíalista sagði: ”Ég óska að við fengjum svipuð viðbrögð vegna þeirrar mannlegu dómkirkju sem samanstendur af miljónum kvenna, manna og barna og þarf líka að endurbæta.”
