Ef einhverjir kunna að vekja athygli á sjálfum sér, auglýsa sig sem mikilmenni jarðarinnar, þá eru það Hollýwood-leikarar af gömlu kynslóðinni. Óskarverðlaunahafinn Jane Fonda, er þekkt fyrir hlutverk í myndum eins og Barbarella, Klute, Coming Home, Julia, The China Syndrome, On Golden Pond og fjölda annarra kvikmynda. Í dag er hún í fararbroddi eyðileggingu glóbalista á menningu Vesturlanda sem hafa rétttrúnaðarvætt kvikmyndaiðnaðinn í Hollýwood.
Fox News segir frá: Jane Fonda, 85 ára gömul, var með í pallborðsumræðum á kvikmyndahátíðinni í Cannes í ár og lýsti því yfir, hamfarahlýnun væri hvítum karlmönnum og kynþáttafordómum um að kenna:
„Ástandið er alvarlegt. Við höfum um það bil sjö til átta ár til að minnka notkun okkar um helming af jarðefnaeldsneyti. Því miður bitnar það mest á fólki sem ber minnstu ábyrgðina eins og á suðurhveli jarðar, fólki á eyjum, fátæku lituðu fólki. Þetta er harmleikur sem við verðum gjörsamlega að stöðva. Við verðum að handtaka og fangelsa þessa menn, þetta eru allt saman karlmenn [á bak við þetta].“
Engin loftslagskreppa til án kynþáttafordóma
Hún svaraði spurningu frá áhorfenda og útskýrði nánar fullyrðingu sína um, að loftslagskreppan gæti ekki verið til án fullkominna aðstæðna.
„Það er gott fyrir okkur öll að átta okkur á því, að það væri engin loftslagskreppa til ef ekki væru til kynþáttafordómar. Það væri engin loftslagskreppa til ef það væri ekki feðraveldi. Hugarfar sem sér hlutina á stéttaskiptan hátt. Hvítir karlmenn skipta öllu máli og allt annað kemur þar fyrir neðan.“
Sjá má myndband með yfirlýsingum leikkonunnar hér
