Móðir Alexei Navalny heitins gagnrýnir Juliu Navalny sem hingað til hefur verið kynnt sem eiginkona Navalny en móðir hans segir sannleikann vera sá að þau hafi verið búin að vera skilin í fjögur ár, því hafi verið haldið leyndu. Svo virðist sem að nú stefni í harðar fjölskylduerjur innan Navalny fjölskyldunnar í kjölfar andláts Navalny. Júlía hafi notfært sér dauðfall Navalny á öryggisráðstefnunni í Munchen fyrir fram an elítuna, aðeins 2 tímum eftir andlát hans. Þetta var meðal þess sem fram kom í þættinum Heimsmálin í dag en í þættinum var Haukur Hauksson fréttamaður í Moskvu viðmælandi Arnþrúðar Karlsdóttur.
Í þættinum kom fram að Julia Navalny hafi á þeim tímapunkti þegar andlát Navalnys bar að verið gestur á öryggisráðstefnunni í Munchen og þar hafi hún einmitt verið kynnt sem eiginkona Alexei Navalny. Haukur segir móður Navalny, Galinu hafa verið afar gagnrýnin á Juliu og framkomu hennar meðal annars í garð Alexei Navalny. Haukur segir að því verði ekki annað séð en að Julia hafi verið að notfæra sér stöðu sína á fundinum í Munchen fyrir framan elítuna í Evrópu með því að kynna sig sem eiginkonu hans. Með þessu sé verið að blanda persónulegum málum Navalny fjölskyldunnar með mjög pólitískum hætti inn í það stríð sem geysar á milli Rússlands og Úkraínu.
Dauði Navalny notaður til að slá á áróðursigur Pútíns
Haukur segir margar sögusagnir vera á kreiki varðandi andlát Navalny og er ein þeirra sú að ymist gestir eða samfangar Navalny eigi að hafa rétt honum pakka og karamellur sem væntanlega eigi að hafa eitthvað verið búið að eiga við. Þá séu margir á því að tímasetningarnar í þessu máli séu afar einkennilegar, segir Haukur. Dauði Navalny er í raun notaður til þess að slá á áróðurssigur Pútíns við Tucker Carlsson fyrir skömmu en ekki tókst að þagga niður það viðtal sem þótti afar gott og hafi varpað ljósi á málstað Pútíns um allan heim. .
Tal um fangaskipti sé úr lausu lofti gripið og áróður
Þá kom fram í þættinum að nýjustu fregnir frá Mariu Pevchikh nánum bandamanni Navalny um að samningar um fangaskipti sem áttu að frelsa Navalny hafi ekki komið fram í Rússlandi. Haukur bendir á að hafa verði í huga við þessar fregnir að Maria Pevchikh sé mjög mikið í tengslum við bresku leyniþjónustuna og fari ekkert í grafgötur með þau tengsl og því ætti að taka þessu með fyrirvara.
Haukur segir að í raun hefði Navalny ekkert pólitískt gildi lifandi í fangelsi en andlát hans hefði orðið vatn á millu þeirra sem vilji núlla út þann mikla áróðurssigur Pútín sem hann vann með viðtalinu við Tucker Carlson. Andlát Navalny væri því síst Pútín í hag, heldur miklu fremur andstæðingum hans.
Hlusta má á nánari umfjöllun í spilaranum hér að neðan
