Í þættinum Heimsmálin í dag ræddi Haukur Hauksson fréttamaður í Moskvu við Bjarna Hauksson þjóðfræðing um það ófriðarbál sem er að skapast í Bandaríkjunum. Gríðarleg pólitísk átök eru á milli Greg Abbot fylkisstjóra í Texas og Joe Biden forseta vegna stefnu Biden í innflytjendamálum. Þá er mikil óánægja með aðgerðarleysi Biden gegn ólöglegum innflytjendum. Mörg önnur ríki Bandaríkjanna virðast einnig mjög andstæð stefnu Biden og hætta er á að komið geti til klofnings og jafnvel brotist út borgarastyrkjöld innanlands.
Fram kom í þættinum að hingað til hafi Bandaríkin verið með þá stefnu í hernaði að öll stríð sem Bandaríkin taki þátt í séu háð utan landsteinanna en sú stefna gæti breyst ef fram heldur sem horfir. Bjarni segir að alríkið sé nú um stundir að sækja mjög í sig veðrið hvað varði óvinsældir. Ekki bæti úr skák að nú sé í raun háð stríð á heimsvísu af hálfu glóbalista sem valdi því að herdeildir séu orðnar þannig samsettar að menn innan hersins séu hættir að treysta hverjir öðrum sem sé lykilatriðið þegar kemur að hernaði.
Ótti innan stjórnsýslunnar í USA
Innan bandarískrar stjórnsýslu er farinn að grípa um sig ákveðinn ótti því þar innandyra hafði aldrei hvarflað að mönnum að staða þeirra gæti orðið svona slæm svona hratt. Ofan á það bætist að hernaður Ísraelshers á Gaza sem Bandaríkin hafa stutt sé ekki að hafa þann framgang sem búist hafði verið við.
Bíden líklegur til að sprengja upp stöðvar þjóðvarðliða í Texas
Vegna þessa ástands innflytjendamála í Texas og þeirrar spennu sem nú sé á milli fylkisstjórnarinnar og yfirvalda í Washington hefur farið á flug sú saga að Joe Biden ætli að senda F-16 þotur til þess að sprengja upp stöðvar þjóðvarðliða í Texas sem ekki hafa viljað framfylgja þeirri innflytjendastefnu sem yfirvöldum í Washington hugnast.
Hlusta má á nánari umfjöllun um málið í spilaranum hér að neðan
