Bandaríkin græða á stríðinu í Úkraínu með hjálp þeirra ríkja sem leggja til fé í stríðið, þar á meðal Ísland. Leyniupptökur sýna hvernig háttsettir Bandaríkjamenn stjórna embættum í Úkraínu. Þetta var meðal þess sem fram kom í máli Hauks Haukssonar fréttamanns í Moskvu í þættinum Heimsmálin í dag en hann var viðmælandi Arnþrúðar Karlsdóttur.
Haukur bendir á að aðstoðarkona Anthony Blinken hafi hælt sér að því að 90% þeirra gífurlegu fjármuna sem bandamenn Úkraínumanna og þar á meðal Ísland leggi til Úkraínu færu inn í efnahag Bandaríkjanna. Það gerist á þann hátt að peningarnir eru sendir til Bandaríkjanna og eru notaðir til vopnaframleiðslu og þannig skapa þessir peningar störf í Bandaríkjunum, við álframleiðslu og fleira. Því væru þær þjáningar sem stríðið í Úkraínu hefur valdið í raun mjög góðar fyrir efnahaginn í Bandaríkjunum.
Haukur segir þetta sýna svo ekki verði um villst að ekki sé neinn vilji af hálfu Bandaríkjanna að koma á friði heldur þvert á móti sé stríðið í Úkraínu þeim beinlínis efnahagslega hagstætt.
Leyniupptökur sýna háttsetta Bandaríkjamenn stjórna í Úkraínu
Þá segir Haukur að leyniupptökur sem Rússar hafi komist yfir sýni hvernig Vesturlönd hafi bein áhrif á hvernig raðað sé í æðstu stöður í Úkraínu, það hafi til að mynda upptökur komið fram þar sem háttsettir aðilar innan Bandaríkjanna hafi verið í raun að ræða um skiptingu embætta og hverja ætti að skipa í þau og svo framvegis.
Hlusta má á ítalegri umfjöllun um málið í spilaranum hér að neðan
