Árásin sem Íran gerði á Ísrael á dögunum var ákveðinn sigur fyrir Íran því með henni sýndu þeir fram á hernaðarlegan styrk sinn og um leið varpaði árásin ljósi á veikleika Ísrael. Þetta var meðal þess sem fram kom í máli Bjarna Haukssonar þjóðfélagsrýnis í Heimsmálunum í dag en hann var gestur Hauks Haukssonar í Moskvu
Bjarni segir að í kjölfar árásarinnar hafi Ísraelar fengið takmarkað leyfi af hálfu Bandaríkjamanna til hefnda sem miðaði að því að senda léttvæga dróna að ákveðnum skotmörkum. Það sem hins vegar Ísrealar höfðu einnig ráðgert var annað plan sem Bandaríkin áttu ekki að frétta af.
Kjarnavopn inn í landhelgi Íran
Planið fólst í því að senda F-35 þotu með kjarnavopn inn í landhelgi Íran og þar var ætlunin að sprengja hana yfir Teheran og framkalla með því rafsegulpúls sem átti að slá út allt rafkerfi Íran. Þegar það hefði verið gert var ætlunin að láta hefðbundnum loftskeytum rigna yfir Íran.
Bandaríkjaher kom í veg fyrir stórslys
Það sem hins vegar gerðist var að þegar þotan var komin í loftið var hún umsvifalaust skotin niður og á ákveðnum bakrásum hefur verið talað um að Rússneski flugherinn hafi skotið niður vélina. Það segir Bjarni að það sé hins vegar ekki rétt heldur hafi það verið flugher Bandaríkjahers sem hafi skotið niður þotuna. Þannig hafi Bandaríkjamenn komið í veg fyrir þessa áætlun Ísrael.
Hlusta má á ítarlegri umfjöllun í spilaranum hér að neðan
