Arnþrúður Karlsdóttir og Guðmundur Franklín Jónsson, ræddu í Heimsmálunum um skógarelda í Evrópu og þá skýringu að þeir tengdust loftslagsbreytingum. Guðmundur Franklín hafnaði þeirri skýringu og sagði flesta eldana hafa verið kveikta af mannavöldum. Hann sagði að það væri búið að handataka menn í Frakklandi og á Spáni. Guðmundur sagði refsiaðgerðir Evrópusambandsins gegn Rússlandi jafnframt hafa komið í veg fyrir að hægt væri að halda hluta evrópska slökkviþyrluflotans gangandi þar sem björgunarþyrlunar væru rússneskar og mætti ekki nota þær. Hlusta má á þáttinn í spilaranum hér að neðan.
Loftslagsbreytingum kennt um eldana
Guðmundur Franklín vísaði til fréttar í Ríkisútvarpinu þar sem rætt hefði verið við veðurfræðing um skógarelda í Evrópu. Þar hefðu eldarnir verið sagðir óvenjulega umfangsmiklir og tengdir loftslagsbreytingum og hnattrænni hlýnun.
Hann hafnaði þeirri umfjöllun og sagði ekki rétt að um metár væri að ræða. Umfang skógarelda hefði áður verið meira og því væri rangt að nota eldana sem sönnun fyrir því að hlýnun jarðar væri að aukast.
Eldarnir nærri stórborgum
Arnþrúður vakti athygli á því að skógareldarnir hefðu kviknað á ákveðnum stöðum nærri stórborgum. Hún nefndi meðal annars elda í nágrenni Bordeaux í Frakklandi og Valencia á Spáni.
Guðmundur Franklín sagði sömu þróun sjást nærri Madrid og Róm. Eldarnir væru staðsettir þannig að mikill fjöldi fólks sæi reykinn og fyndi lyktina. Hann taldi því að staðsetning þeirra væri ekki tilviljun heldur væri kveikt þar sem eldarnir vektu mesta athygli.
Að hans sögn hefðu menn verið handteknir bæði á Spáni og í Frakklandi vegna gruns um að hafa kveikt skógarelda. 17 hafi verið handteknir í Frakklandi og einnig hefði náðst til manna á Spáni sem hefðu kveikt elda. Arnþrúður vísaði einnig til mála í Grikklandi og Kanada þar sem fólk hefði verið staðið að því að kasta eldsprengjum eða kveikja elda af ásetningi. Það væru miklir eldar logandi á eyjunum í Grikklandi núna. Hún sagði athyglisvert að eldar kæmu ítrekað upp á stöðum þar sem þeir vektu mikla athygli.
Um 90% eldanna af mannavöldum
Guðmundur Franklín sagði um 90% skógareldanna sem um ræddi hafa verið af mannavöldum. Hann lýsti því þannig að fólk hefði verið sent út til að kveikja elda svo hægt væri að nota þá til að styðja málflutning um loftslagsbreytingar.
Rætt var um að eldarnir væru tengdir við teldana við umfangsmikil útgjöld ríkja til loftslagsmála. Hún sagði stofnaða sjóði og fjármuni tekna úr ríkissjóðum undir formerkjum loftslagsaðgerða. Því væri mikilvægt að upplýsa hvort einstakir eldar væru af náttúrulegum orsökum eða hefðu verið kveiktir vísvitandi.
Refsiaðgerðir stöðvi slökkviþyrlur
Guðmundur Franklín sagði annað vandamál vera að evrópsk ríki gætu ekki nýtt allar þær þyrlur sem væru sérstaklega gerðar til að berjast við skógarelda. Hluti flotans væri af rússneskri gerð og þyrfti varahluti frá Rússlandi sem væri bannað að versla við.
Vegna viðskiptaþvingana Evrópusambandsins fengjust varahlutirnir ekki fluttir inn. Þyrlurnar sætu því kyrrsettar á sama tíma og skógareldar breiddust út.
Viðskiptabannið kemur i veg fyrir eðlilegan framgang brunavarna
Hann gagnrýndi að refsiaðgerðir vegna stríðsins í Úkraínu hefðu slík áhrif á viðbrögð við eldsvoðum innan Evrópu. Stjórnvöld hefðu með eigin ákvörðunum dregið úr getu slökkviliða til að takast á við eldana en tengdu þá síðan loftslagsbreytingum.
Arnþrúður sagði mikilvægt að kanna þessa þætti áður en skógareldar væru sjálfkrafa notaðir sem dæmi um afleiðingar hlýnunar jarðar. Umræðan þyrfti einnig að taka mið af íkveikjum, handtökum og þeim áhrifum sem refsiaðgerðir hefðu á slökkvistarf.
Hlusta má á ítarlegri umfjöllun í spilaranum hér að neðan.