Arnþrúður Karlsdóttir og Guðmundur Franklín Jónsson, ræddu í Heimsmálunum um stríðið í Úkraínu og þá hagsmuni sem að þeirra mati ráða mestu um framvindu þess. Í þættinum kom fram að átökin snerust ekki aðeins um hernað á vígvellinum heldur einnig um fjármál, náttúruauðlindir, alþjóðlega valdastöðu og langtímahagsmuni stórvelda. Hlusta má á þáttinn í spilaranum hér að neðan.
Stríðið tengt auðlindum og fjármálakerfinu
Rætt var um að undir yfirborði stríðsins lægju miklir fjárhagslegir hagsmunir. Það væri meðal annars skuldabréf sem gefin hefðu verið út vegna Úkraínu og verðmæti þeirra tengdust að hluta þeim landsvæðum sem nú væru undir stjórn Rússa.
Stór hluti verðmætra náttúruauðlinda Úkraínu væri í austurhluta landsins og skýrðu þeir hagsmunir hvers vegna þrýstingur væri um að halda stríðinu gangandi og hvers vegna friðarsamningar hefðu reynst svo erfiðir. Efnahagslegir hagsmunir væru í raun mikilvægari en hernaðarleg markmið eins og málin hefðu þróast.
Evrópa sögð leggja grunn að langvinnum átökum
Mikil umræða skapaðist um þátt Evrópuríkja í stríðinu. Ríki Evrópu haldi áfram að auka hernaðarstuðning sinn við Úkraínu, þótt framleiðslugeta evrópsks varnariðnaðar væri takmörkuð og mörg ríki væru áfram háð Bandaríkjunum um vopn og hergögn.
Kom fram í þættinum að umræðan í Evrópu bæri þess merki að stjórnvöld gerðu ráð fyrir langvarandi átökum fremur en skjótum friðarsamningum. Drónatækni og nýjar hernaðaraðferðir hefðu breytt eðli stríðsins en þær breyttu ekki þeirri staðreynd að undirliggjandi hagsmunir réðu mestu um framhaldið.
Valdabarátta stórveldanna ræður úrslitum
Rætt var um að framtíð stríðsins réðist ekki eingöngu af því sem gerist á víglínunni heldur af pólitískum ákvörðunum sem teknar yrðu í Washington, Moskvu og helstu höfuðborgum Evrópu. Breytingar á stefnu Bandaríkjanna geti haft afgerandi áhrif á þróun mála og jafnframt að Kína og önnur stórveldi fylgdust grannt með framvindunni vegna eigin hagsmuna.
Þá kom fram að stríðið í Úkraínu yrði ekki skilið nema horft væri til heildarmyndarinnar. Baráttan væri um áhrif, auðlindir, fjármál og framtíð alþjóðakerfisins og ekki síður undir í átökum en landsvæði eða hernaðarlegum yfirráðum.
Hlusta má á ítarlegri umfjöllun í spilaranum hér að neðan.