TASS fréttastofan greinir frá því, að rússneska varnarmálaráðuneytið hafi birt opinberan lista yfir Bandaríkjamenn, sem unnið hafa við framleiðslu sýklavopna í Úkraínu. Rússneska varnarmálaráðuneytið ljóstraði upp nýjum gögnum, sem rússneskar hersveitir lögðu hald á í austurhluta Úkraínu. Að sögn New Zealand Daily Telegraph eru meðal annarra gagna bréfaskipti milli Hunter Biden og þeirra, sem tóku þátt í veirurannsóknum í Úkraínu. Skjölin sýna ásetning um að stofna „miðstöð fyrir sérstaklega hættulegar örveirur í Kænugarði“ að sögn talsmanns rússneska varnarmálaráðuneytisins, Igor Konashenkov. Þar að auki var unnið að skipulagi til að dreifa hættulegum veirum með drónum.
Bandaríska starfsfólkið sem tók þátt í veirurannsóknum í Úkraínu:
Robert Pope – DTRA
Yfirmaður rússnesku Smitsjúkdómastofnunarinnar, Igor Kirillov, sagði á blaðamannafundi s.l. fimmtudag, að ein af lykilpersónunum væri Robert Pope, framkvæmdastjóri samvinnuáætlunar bandaríska varnarmálaráðuneytisins til að draga úr varnarógnunum DTRA „Defense Threat Reduction Agency„ (einnig þekkt sem Nunn-Lugar verkefnið). Pope vann við stofnun miðlægrar geymslu á hættulegum veirum í Kænugarði.
Samkvæmt New Zealand Daily Telegraph var Pope aðstoðarframkvæmdastjóri hjá DTRA frá 2017 – 2020. Hann gegndi áður ýmsum störfum hjá Evrópustjórn bandaríska flughersins (USAFE), yfirherstjórn Bandaríkjanna (USCC) og Pentagon. M.a. tók Pope tók þátt í þróun eftirlits með alþjóðlegum sáttmálum á sviði kjarnorkuvopna (Air Force Technical Application Center).
Ulana Suprun – Heilbrigðisráðuneyti Úkraínu
Að sögn New Zealand Daily Telegraph þá sýna gögnin „bréfaskipti milli Pope og starfandi heilbrigðisráðherra Úkraínu á árunum 2016 til 2019, Ulana Suprun, sem fædd er í Bandaríkjunum og fór til Úkraínu til að taka þátt í valdaráninu, sem Bandaríkjamenn studdu árið 2014.“
Í bréfi sínu til heilbrigðisráðherrans Ulana Suprun ræddi Pope mjög um störf hennar. Sérstaklega lagði hann áherslu á, að hún „veitti bandarískum sérfræðingum aðgang að úkraínskum veirurannsóknum til að stofna miðstöð fyrir hættulegar veirur.“
„Ég vil minna á að samkvæmt fyrirliggjandi gögnum voru sjúkdómsvaldandi veirur teknar úr geymslunni í byrjun febrúar 2022 og fluttar með bandarískri herflutningaflugvél til Bandaríkjanna frá Odessa“ sagði Kirillov.
Rhys M. Williams- DTRA
Williams, sem áður var yfirmaður þróunar og mats hjá DTRA, tók við af Pope sem forstöðumaður DTRA árið 2020: „Hann leiddi áætlun varnarmálaráðuneytisins að greina, staðsetja og gera erlend gjöreiðingarvopn óvirk. Williams starfaði einnig sem aðstoðarframkvæmdastjóri hjá National Nuclear Security Administration (NNSA) í bandaríska orkumálaráðuneytinu, sem ber ábyrgð á kjarnorkuvopnabirgðum landsins.“
Joanna Wintrol – DTRA Kiev
Joanna Wintrol, yfirmaður DTRA skrifstofunnar í Úkraínu, bar ábyrgð á samhæfingu líffræðilegra hernaðarverkefna í landinu og ráðningu starfsfólks. Wintrol stjórnaði DTRA-verkefnum í Úkraínu til ársins 2021 frá bandaríska sendiráðinu í Kænugarði: „Undir handleiðslu hennar var unnið að nokkrum rannsóknarverkefnum (UP-4, UP-6 og UP-8) á banvænum sýklum t.d. miltisbrandi, Krím-Kongó blæðingarsótt og leptospirosis.“
Skv. Daily Telegraph þá sýna tölvupóstar „að hún hafði beina umsjón með tilraunum með banvæna sýkla, þar á meðal UP-2 verkefnið til að kortleggja mjög smitsama sjúkdóma í Úkraínu t.d. miltisbrand; UP-4 verkefnið til að meta áhættu sérstaklega hættulegra sýkla sem berast með fuglum til Úkraínu; UP-8 verkefnið til að rannsaka útbreiðslu Krím-Kongó blæðingarsóttarveiru og hantaveira í Úkraínu og hugsanlega þörf fyrir mismunagreiningu sjúklinga með grun um leptospirosis. Áður birt skjöl sýna að hún hafði einnig umsjón með verkefninu P-782 til að rannsaka smit sjúkdóma frá leðurblökum.“
Steven L. Edwards – forstjóri Black & Veatch
Edwards hefur verið forstjóri bandaríska verkfræðistofunnar Black & Veatch frá 2013, sem hefur lengi verið verktaki fyrir Pentagon í margvíslegum byggingarverkefnum. Hann hefur verið hjá fyrirtækinu síðan 1978 og var áður rekstrarstjóri þess. Lengi var vitað að Black & Veatch vann að Pentagon-verkefnum í Úkraínu en skjölin sem rússneskar hersveitir lögðu hald á fyrr í þessum mánuði sýna, að „fyrirtækið hafði umsjón með líffræðilegum áætlanum eins og UP-8 verkefninu til að rannsaka Krím-Kongó blæðingarsótt, leptospirosis og hantavirus.“
Lance Lippencott – Black & Veatch Úkraína
Kirillov vakti athygli á úkraínsku útibúi Black & Veatch og yfirmanni þess, Lance Lippencott, sem er helsti tengiliður embættismanna varnarmála- og heilbrigðisráðuneytisins í Úkraínu. „Fyrirtækið hefur starfað fyrir Pentagon síðan 2008 að rannsóknum á hættulegum veirum t.d. UP-1 sem rannsakar rickettsia og mítlaborna heilabólguveiru í liðdýrum í norðvesturhluta Úkraínu. Fyrirtækið kom upp fjarvöktunarkerfi í UP-2 verkefninu á tularemia og miltisbrandi í úkraínskum rannsóknarstofum.“
Lippencott var verkefnisstjóri Black & Veatch í Úkraínu og umsjónarmaður líffræðilegra verkefna síðan 2011. Í ágúst 2021 sagði hann í viðtali við Viðskiptablað Kansas City, að vinna hans við loftbornar veirur í Úkraínu hefði hjálpað Black & Veatch til að þróa tækni til að hreinsa burtu SARS-CoV-2 veirur sem valda sjúkdómnum COVID-19. Lippencott útskrifaðist úr herakademíu bandaríska hersins í West Point.
Starfsemi Black and Veatch hafi vakið margar spurningar. Úkraínska leyniþjónustan SBU varaði ár 2017 við vaxandi hættu á veirusjúkdómafaraldri vegna áforma DTRA að nota Black and Veatch fyrirtækið til að koma á eftirliti með úkraínskum rannsóknarstofum sem rannsaka sérstaklega hættulegar veirur.
David Mustra – Metabiota
David Mustra, samskiptastjóri upplýsinga um lífræna starfsemi í Úkraínu, starfaði náið með Metabiota, sem var annar verktaki hjá Pentagon. Mustra samræmdi lífvopnaverkefni Bandaríkjahers í Úkraínu og Austur-Evrópu.
Metabiota var þekkt fyrir rannsóknir sínar og spár um uppkomu smitsjúkdóma. Pentagon notaði Metabiota m.a. til að skrá faraldslegar aðstæður á svæðinu eftir fall Sovétríkjanna. Mustra var yfirmaður rannsókna og þróunar Metabiota og einnig ráðningarstjóri fyrirtækisins í Úkraínu.
Mary Gutierrez – Metabiota -samstarfsaðili Hunter Bidens
Mary Gutierrez var fulltrúi Metabiota í Úkraínu – varaforseti þess og trúnaðarmaður Hunter Biden eins og sést á bréfaskiptum þeirra. Gutierrez hefur doktorsgráðu í örveirufræði frá UMass Amherst og var framkvæmdastjóri Metabiota frá 2014 til 2019. Hún er núna aðalvísindamaður Labyrinth Global Health, þar sem David Mustra starfar einnig núna. Í Úkraínu var Guttierz yfirmaður rannsóknarverkefna fyrir bandarísku líffræðiáætlunina með áherslu á rannsóknum á dýrum sem smitberum hættulegra veira.
Scott Thornton – Metabiota
Thorton var háttsettur örverufræðingur Metabiota og umsjónarmaður með byggingu rannsóknarstofa 2006 og 2016. Hann var áður 20 ár í bandaríska sjóhernum, þar sem hann starfaði sem rannsóknarörverufræðingur og yfirmaður áhættumats sjóhersins. Thornton starfaði á leynilegum rannsóknarstofum m.a. í Kaíró í Egyptalandi og rannsakaði veirur með hernaðarlega þýðingu, sérstaklega garnaveiki. Í Úkraínu var Thornton ráðgjafi starfsfólks um mjög hættulegar veirur og samræmdi uppfærslu á rannsóknarstofum í Úkraínu upp í líföryggisstig 3 (BSL-3), sem eru notar við rannsóknir á hættulegum veirum sem geta borist í gegnum loftið og valdið dauðlegum sjúkdómum.
Thornton veitti starfsfólkinu ráðgjöf varðandi meðhöndlun stórhættulegra sýkla í verkefnum DTRA. Gögnin sem rússneska varnarmálaráðuneytið hefur undir höndum sanna þátttöku bandaríska varnarmálaráðuneytisins og verktaka þess við skipulagningu og framkvæmd verkefna Pentagon í Úkraínu. Rússneska varnarmálaráðuneytið telur að ofanefndir stjórnendur rannsóknarstofanna sé skylt að svara spurningum um raunverulegan tilgang starfsins.
