Hinn goðsagnakenndi blaðamaður Seymour Hersh líkir hryðjuverkaárásinni á Nord Stream í Eystrasalti síðasta haust við þá atburði sem leiddu til stríðsins í Víetnam og Írak. Núverandi forseti Bandaríkjanna, Joe Biden, er að ljúga, rétt eins og Lyndon B. Johnson laug árið 1964, fullyrðir Hersh í viðtali við „Going Underground“ RT.
Joe Biden lýgur rétt eins og Lyndon B. Johnson og George Bush
Joe Biden Bandaríkjaforseti lýgur um hryðjuverkasprengjuárásina á Nord Stream, rétt eins og Lyndon B. Johnson laug um atvikið í Tonkinflóa og þátttöku Bandaríkjanna í Víetnamstríðinu. Það fullyrðir rannsóknarblaðamaðurinn Seymour Hersh, sem upplýsti að það væru Bandaríkin ásamt Noregi sem sprengdu Nord Stream í september síðastliðnum:
„Við vitum að forsenda Johnsons til að stigmagna stríðið (í Víetnam) var að fá samþykki þingsins til að veita honum heimild til að gera það sem hann vildi í stríðinu, sem hann fékk með Tonkinflóasamþykkt þingsins eftir að hafa logið til um það sem gerðist í stríðinu. Á sama hátt og George Bush fékk eftir 11. september, sem gerði honum kleift að fara í stríð við Írak.“
„Hann bjó til sögu um norður-víetnamska árás. Hann og (Robert) McNamara gerðu samsæri og breyttu upplýsingum leyniþjónustunnar. Þannig að þetta er ekkert nýtt.“
Lygar Johnson ollu dauða 50 þúsund Bandaríkjamanna og 1-3 milljónum Víetnama
Seymour Hersh hugsaði um þennan sögulega atburð þegar hann vann að rannsókn hryðjuverkaárásarinnar á Nord Stream. Hann segir:
„Johnson laug um mál sem leiddi til stríðs sem drap um 50.000 Bandaríkjamenn og á milli 1-3 milljónir Víetnama. Við vitum ekki nákvæma tölu. Núna höfum við forseta (Joe Biden) sem lýgur, sem segir ekki satt, um aðgerð sem hann samþykkti og hefur gerst.“
Ætlun Bandaríkjanna með því að eyðileggja Nord Stream segir Hersh vera:
„Að tryggja að Evrópa haldi áfram að styðja Nató og haldi áfram að senda vopn í það sem greinilega er umboðsstríð gegn Rússlandi“.
Hefur mikið af upplýsingum sem hann hefur lofað að birta ekki
Seymour Hersh segist hafa sögulegt efni um árásina, sem hann getur hins vegar ekki birt opinberlega, vegna þess að hann lofaði að gera það ekki. Hann segir að enginn í stálrörabransanum trúi því, að Rússar hafi sprengt sínar eigin afar verðmætu gasleiðslur. „Það væri brjálæði af þeim að gera slíkt“ segir Hersh.
