Alþjóðaheilbrigðismálastofnunin WHO vinnur að því – að mestu falið fyrir almenningi, að auka völd sín verulega og fremja víðtækt valdarán bakdyramegin. Beatrix von Storch, varaformaður Valkosts fyrir Þýskalands, afhjúpar bandaríska milljarðamæringa á bak við valdaránið og hver keypti hvern. Hér birtist síðari hluti greinar sem birtist í The Gateway Pundit. Fyrri hluta greinarinnar má lesa hér.
Alþjóðaheilbrigðismálastofnunin WHO vinnur núna að víðtæku átaksverkefni um forvarnir gegn heimsfaraldri, sem felur í sér heimsfaraldurssáttmála og breytingar á heilbrigðisreglum. Gert er ráð fyrir að málið verði afgreitt eigi síðar en í maí á næsta ári. Það er mikilvægt að skilja að heimsfaraldurssáttmálinn er aðeins hluti af vandamálinu. Breytingar á alþjóðlegum heilbrigðisreglum eru hættulegri. Á meðan það þarf að staðfesta heimsfaraldurssáttmálann sérstaklega sem ný alþjóðalög, þá gilda breytingarnar á alþjóðlegum heilbrigðisreglum sjálfkrafa fyrir öll aðildarríki WHO nema þau lönd sem hafna breytingunum formlega.
Gates gerir lítið úr hlutverki sínu
Á síðustu tuttugu árum hefur persónuleg auður Bill Gates meira en tvöfaldast úr 50 milljörðum dollara í 108 milljarða dollara. Bandarísk skattalög styðja velgjörðarstarfsemi milljarðamæringanna. Framlag upp á einn milljarð dollara jafngildir skattfríðindum upp á 390 milljónir dollara. Þannig er meint góðgerðarstarfsemi Bill Gates næstum 40% fjármögnuð af skattgreiðendum.
Annar milljarðamæringur sem hefur farið úr bakherbergjunum yfir á pólitíska sviðið er Michael Bloomberg. Pólitískur metnaður hans náði hámarki með forsetaframboði fyrir demókrata árið 2020. Bloomberg eyddi 188 milljónum dala í forsetaframboð sitt. En tilraun hans til að kaupa forsetaembættið misheppnaðist hrapallega, þar sem Bandaríkjamenn mundu enn eftir grænu regluverki Bloomberg sem hann reyndi að koma á sem borgarstjóri New York. Reykingar í almenningsgörðum, veitingastöðum og börum, auk stórra íláta fyrir sykraða drykki, voru bannaðar. Bloomberg lagði hjólreiðabrautir samtímis sem fjöldi New York-búa sem lifa undir fátæktarmörkum hélt áfram að aukast. Eftir að kosningabarátta hans fór út um þúfur, þá færði Bloomberg metnað sinn yfir á alþjóðlegan vettvang. Bloomberg er núna „alheimsendiherra WHO“ fyrir sjúkdóma sem ekki valda faröldrum.
Bloomberg og forseti WHO, Tedros Adhanom Ghebreyesus, birtu grein þann 3. febrúar 2021 á fréttastöð Bloomberg undir fyrirsögninni „Starfið við að stöðva næsta heimsfaraldur byrjar núna.“ Þar sögðu þeir:
„Heimsfaraldurinn er í forgrunni athyglinnar og það er nauðsynlegt að nota þetta ástand áfalla og neyðar til að byrja að byggja upp þau kerfi sem munu undirbúa okkur fyrir næsta faraldur.“
Tedros Ghebreysus var bandamaður áður en hann varð aðalritari WHO
Þetta snýst ekki um hvort næsti heimsfaraldur kemur, heldur hvenær. Þetta er líka stefna Bill Gates, sem tileinkaði efninu heila bók með titlinum „Hvernig koma skal í veg fyrir næsta heimsfaraldur.“ Þar leggur Gates fram hugmynd að stofnun alþjóðlegrar heimsfaraldurslögreglu undir nafninu GERM-teymið – „Global Epidemic Response and Mobilization“ sem getur gripið inn mál í hvenær sem er.
Árið 2021 hóf stofnun Rockefeller átak til að fyrirbyggja heimsfaraldra „Pandemic Prevention Initiative“ og fjárfesti 150 milljónum dala og fékk fjörutíu samstarfsaðila til verkefnisins. Í tengslum við þetta frumkvæði var Varnarstofnun gegn heimsfaröldrum „Pandemic Prevention Institute“ komið á fót. Er stofnunin í beinu samstarfi við Alþjóðaheilbrigðismálastofnunina WHO. Ghebreysus, aðalritari WHO, var þegar náinn bandamaður í tengslum við þessa aðila, áður en hann komst í stöðu aðalritari WHO.
Tedros Adhanom Ghebreyesus var kjörinn aðalritari WHO í maí 2017, fimm mánuðum eftir að Bill & Melinda Gates Foundation varð opinber samstarfsaðili WHO sem næststærsti framlagsaðili með árlegt framlag upp á 600 milljónir dala. Tedros hafði verið umdeildur frá upphafi, þar sem hann var meðlimur í marxísk-lenínísku Tigray frelsisfylkingu alþýðunnar, sem tók völdin í Eþíópíu árið 1991. Tedros var heilbrigðisráðherra frá 2005 og utanríkisráðherra á árunum 2012 til 2016. Sem heilbrigðisráðherra, þá huldi hann yfir stóran kólerufaraldur, sem aðallega hafði áhrif á Oromo-svæðin með þjóðernis minnihlutahópum sem voru kúgaðir af Lýðræðisfylkingu Byltingarinnar.
Tedros laug og fólkið dó
Þegar Tedros var skipaður aðalritari WHO, þá mótmæltu Eþíópíumenn kjöri hand með slagorðinu „Tedros laug og fólkið dó.“ Tedros opinberaði tengsl sín við einræðisstjórnir skömmu eftir innsetningu hans þegar hann reyndi að skipa Robert Mugabe einræðisherra Simbabve sem velgjörðarsendiherra WHO.
Ghebreyesus hafði tengsl við Bill & Melinda Gates Foundation og Clinton Foundation á sínum tíma sem heilbrigðisráðherra Eþíópíu. Meðal stærstu gjafaaðila Clinton Foundation voru Gates Foundation og barnafjárfestingarsjóðurinn „Children’s Investment Fund“ undir stjórn vogunarsjóðsstjórans Christopher Hohn, sem einnig var gjafaaðili Gates Foundation.
Bæði Gates Foundation og „Children’s Investment Fund“ eru samstarfsaðilar lyfjarisans Pfizer. Þessi tenging er einnig mikilvæg fyrir tilurð heimsfaraldurssáttmála WHO og fyrirhugaðar breytingar á alþjóðlegum heilbrigðisreglum. Ghebreyesus stofnaði „Óháða nefnd um viðbúnað og viðbrögð við heimsfaraldri“ (Independent Panel for Pandemic Preparedness and Response IPPPR) til að semja tillöguna ásamt formanni nefndarinnar, Ellen J. Sirleaf fyrrverandi forseta Líberíu. Hún er einnig nátengd tengslanetinu. Árið 2017 átti Sirleaf undir högg að sækja, þegar nafn hennar birtist í Paradísarskjölunum „Paradise Papers“ á lista yfir spillta stjórnmálamenn sem fluttu peningana sína til útlanda í gegnum aflandsfélög.
„Óháða nefndin“ kom með tillögur
Ári síðar stofnaði Sirleaf Ellen J. Sirleaf stofnunina til að stuðla að „jafnrétti kynjanna.“ Í stjórn stofnunarinnar eru Jamie Cooper, fyrrverandi eiginkona vogunarsjóðsstjórans Christopher Hohn og meðstofnandi „Children’s Investment Fund Foundation.“ Árið 2020 fékk Ellen Sirleaf stofnunin styrk upp á $250.000 frá Rockefeller stofnuninni. Árið eftir lofaði stofnun Bill & Melinda Gates styrk upp á eina milljón dollara fyrir næstu tvö ár. Í lok ársins kynnti IPPPR undir forystu Sirleaf tillögur sem voru í samræmi við tillögur helstu styrkveitendur hennar. Þar segir:
„Nefndin telur að gera þurfi grundvallarbreytingar á alþjóðlega kerfinu til að koma í veg fyrir heimsfaraldra í framtíðinni. Markmiðið er að styrkja lagalegar skuldbindingar og viðmið.“
Byggt á tilmælum „óháðu nefndarinnar“ ákvað heilbrigðisþing WHO í desember 2021 að hefja samningaviðræður um viðbúnaðaverkfæri gegn heimsfaröldrum eins og heimsfaraldurssáttmála og breytingar á alþjóðlegum heilbrigðisreglugerðum.
Koma verður í veg fyrir breytingar á alþjóðlegum heilbrigðisreglum og heimsfaraldurssáttmálann
Þetta eru einstaklingar og stofnanir sem hafa ýtt verulega á eftir núverandi frumkvæði að heimsfaraldurssáttmálanum og breytingum á alþjóðlegum heilbrigðisreglum. Það er í þeirra höndum sem við leggjum örlög okkar. Þeir eiga að fá rétt til að ákveða um frelsi okkar, borgaraleg réttindi og heilsu.
Ólíkt meðan á COVID-19 stóð munu lýðræðisleg þing ekki lengur taka ákvarðanir um heimsfaraldursráðstafanir og reglur um bólusetningar. Lýðræðislega kjörnar ríkisstjórnir verða ekki dregnar til ábyrgðar. Innlend og alþjóðleg heimsfaraldursstefna verður einhliða ákveðin af grænum milljarðamæringum og einkastofnunum þeirra, sem og lyfjafræðilegum og fjárhagslegum hagsmunum.
Til að vernda grundvallar- og borgararéttindi og varðveita lýðræðið okkar er nauðsynlegt að koma í veg fyrir fullgildingu heimsfaraldurssáttmálans og sérstaklega breytingar á alþjóðlegum heilbrigðisreglum – með öllum lagalegum og þinglegum ráðum.
Beatrix von Storch er varaformaður Valkosts fyrir Þýskaland Alternative für Deutschland, AfD
