Paul Craig Roberts skrifaði nýlega grein á síðu The Free West Media undir heitinu „Hvíl í friði Ameríka,“ þar sem hann lýsir sundrungarstefnu Demókrata í Bandaríkjunum, sem er svo haturshlaðin, að varla er hægt að tala um nein Bandaríki lengur. Útvarp Saga birtir hér greinina í lausri þýðingu.
Girndarþrá Washington mun að lokum eyðileggja bandaríska lýðveldið
„Mark Twain, sem áður var frægur bandarískur rithöfundur, er horfinn í Gat Gleymskunnar sem höfundur „kynþáttahatarans“ Stikilberja Finns, sem andmælti bandarísku ofurvaldi og varaði Bandaríkjamenn við, sem venjulega er gagnslaust og óarðbært verkefni, að girndarþrá Washington myndi að lokum eyðileggja bandaríska lýðveldið.
Hann skrifaði, að „Washington treður á hjálparþurfandi erlendis“ mun kenna Bandaríkjamönnum „á eðlilegan hátt að með sinnuleysi munu þeir þola sömu meðferð heima fyrir.“ Bandaríkjamenn, sem fagna því, að frelsi annars fólks er skert, munu hljóta sömu örlög.
Vandamálið með Bandaríkjamenn er, að þeir læra aðeins um hættu sína, þegar það er orðið of seint að gera eitthvað í málinu. Bandaríkin hafa dottið af veggnum eins og Humpty Dumpty og það mun þurfa meira en alla menn konungs til að koma þeim saman aftur.
Hvíti maðurinn talinn stærsta ógn Bandaríkjanna
Reyndar þyrfti að beita gríðarlegu afli gegn þeirri fjölmenningarstefnu, sem með lygum hefur eyðilagt trú margra Bandaríkjamanna á landi sínu. Sú víðtæka stefna, sem kennd er í opinberum bandarískum skólum og háskólum, fjármögnuð af skattgreiðendum og er þjálfun í kynþáttaníði bandarískra stórfyrirtækja og hersins, segir hvíta Bandaríkjamanninn vera stærstu ógnina, sem land okkar stendur frammi fyrir. Enginn er spámaður í sínu föðurlandi.
Í dag eru það ósannindi að kalla Ameríku „Bandaríkin.“ Landið er Sundurliðuðu ríkin. Bláu ríkin eru ein þjóð. Rauðu ríkin önnur. Bláu ríkin tóku forsetann, sem rauðu ríkin höfðu kosið, af lífi stjórnmálalega. Bláu ríkin reyna nú að fangelsa fyrrverandi forsetann og 535 stuðningsmenn hans, sem gengu fyrir hann 6. janúar. Stuðningsmenn Trump eru sagðir vera „uppreisnarsinnar“ og „innlendir öfgamenn.“ Vileysingurinn Biden í Hvíta húsinu segir þetta „Sameina landið.“ Já, sameina á sama hátt og hringurinn eini myndi sameina heiminn undir Sauron í Hringadróttinssögu.
En landið er ekki sameinað. 66 prósent repúblikana í suðurhluta Bandaríkjanna og um helmingur demókrata á vesturströndinni vilja aðskilja sig frá Sundruðu ríkjunum.
Ameríka er Babelturninn
Demókratar bláu ríkjanna líta á hvíta Bandaríkjamenn sem „kerfisbundna rasista“ og að DNA þeirra neyði þá til að vera „hvíta ofurræðismenn“ og kúgara „litaðra,“ og eiga þá við blökkumenn og ekki asíubúa, sem eru líka „rasistar,“ vegna þess að þeir standa sig betur en blökkumenn. Til að koma í veg fyrir, að Asíubúar komist inn á eigin verðleikum á staði eins og Harvard háskóla, sem hefur tekið frá pláss fyrir blökkumenn og gyðinga, þá leggur Harvard kynþáttakvóta á hendur Asíumönnum rétt eins og þjóðernissósíalistar takmörkuðu gyðinga í Þýskalandi. Bláu ríki demókrata hafa ekki ákveðið, hvar spænskmælandi passa inn, því sum þeirra eru næstum hvít og önnur að mestu indversk. Sjálfsímyndunarstefna demókrata er að lenda í sama vandamáli og þjóðernissósíalískt Þýskaland átti við að glíma með því að reikna blóðhlutfall til að ákveða hverjum fólk tilheyrir.
Þetta er Ameríka í dag. Það er ekki lengur til bandarísk þjóð. Þjóð krefst einsleitni. Ekkert slíkt er til í Ameríku, ekki hugmyndafræðilega, menningarlega eða kynþáttafræðilega. Ameríka er Babelturninn. Ekkert annað. Þegar Rússar, Kína og Íran vilja sjá á spilin, hver ætlar þá að svara? Hið vofuvædda hvíta fólk? Hinir kúguðu „lituðu?“ Kúgaðir samkynhneigðir og fólk af endalausum kynjum? Hinir kúguðu spænskumælendur? Kúguðu femínistarnir?
Demókratar ætla að sækja að Trump með því að kúga viðskiptafulltrúa hans til að bera ljúgvitni
Á tíma mínum sem ritstjóri Wall Street Journal fór ég yfir bók eftir sagnfræðing, sem sagði að pöpullinn hefði tekið Róm, vegna þess að rómversku borgararnir óttuðust minna ógnir skrílsins en ógnir eigin ríkisstjórnar og opnuðu því borgarhliðin fyrir pöpulinn. Með öllu tali sínu um innlenda hryðjuverkamenn virðist Washington óttast þetta. Föðurlandsvinir líta á Washington sem óvininn og eru nú sú ógn sem Washington stendur frammi fyrir.
Demókratar í New York hafa gert lögfræðileyfi Rudy Giuliani upptækt, vegna þess að hann varði Trump forseta og lagði fram undirritaða yfirlýsingu um kosningasvik í kosningunum 2020. Demókratar í New York undirbúa atlögu að Donald Trump með því að byggja upp falsmál gegn viðskiptastjóra Trumps, sem verður fellt niður, þegar viðskiptastjóri Trump kemur með falskan vitnisburð gegn Trump. 535 stuðningsmenn Trump rotna í fangelsi þrátt fyrir að habeas corpus* bíði eftir úrskurði, um að þeir séu „uppreisnarlið Trumps“ og komust inn á þingið undir handleiðslu FBI manna, sem þóttust vera „uppreisnarsinnar.“ Hvaða raunverulegur Bandaríkjamaður getur stutt jafn spillta ríkisstjórn sem þessa?
*(Habeas corpus er lögfræðihugtak sem skýrir rétt fangelsaðra að fá að vita innan hæfilegs tíma um ákæruatriði og að mál þeirra verði tekið fyrir, hvort þeir verði áfram í fangelsi eða sleppt lausum.)
Ef öflum í ólögmætri ríkisstjórn Bidens koma okkur í stríð við Rússa, Kína eða Íran, þá er okkur lokið
Ef hinir aulalegu nýíhaldssömu Zíonistar, sem eru í ólögmætri stjórn Bidens, koma okkur í stríð við Rússa eða Kína eða jafnvel Íran, þá er okkur lokið. Bandaríska þjóðin er svo vansæl, að hún hefur ekki hugmynd um hrunið, sem starir í andlit hennar. Mín kynslóð er síðasta kynslóðin, sem er fær um að framleiða leiðtoga í stjórnmálum og viðskiptum sem geta skilið, að ef það ríkja aðeins efnislegir hagsmunir hagsmunasamtaka og hugmyndafræðilegir hagsmunir, þá eru engir þjóðar- eða almannahagsmunir til staðar.
Á ævi minni hef ég fylgst með hægfara eyðileggingu á landi mínu. Ég gæti lýst því í smáatriðum ár frá ári en ég geri það ekki. Ungir gera sér ekki grein fyrir þessu. Þeir fæðast inn í siðferðilega, pólitíska og lögfræðilega vanvirðingu og þeim er það eðlilegt. Það er allt sem þeir vita. Þeir eru fullvissir um, að þeir séu betur stilltir inn á raunveruleikann en gamall íhaldsmaður eins og ég. Þeir ungu, sem aldrei hafa upplifað fortíðina, hafa enga hugmynd um hvað hefur glatast.
Staðfastir í fáfræði sinni ganga þeir áfram glötunnar veg og landið með.“
