Fimmtán mínútna borgir skjóta upp kollinum alls staðar og World Economic Forum er mjög annt um þær. Í fyrra var tilkynnt, að París í Frakklandi yrði 15 mínútna borg og núna er breska borgin Oxford næst, sjá myndband með Katie Hopkins neðar á síðunni, þar sem hún útskýrir 15 mínútna borgina. Reiðir Bretar berjast gegn hugmyndinni.
Fólk á að skerða ferðafrelsið í 15 mínútur til að „bjarga jörðinni“
Eins og áður hefur verið greint frá hjá RAIR Foundation USA hefur borgarstjórn Oxfordborgar tilkynnt, að hún muni skipta Oxford í 15 mínútna hverfi eða litla 15 mínútna bæi sem eru taldir „grænni, hreinni og öruggari.“ Til að ná enn frekar tökum á lífi fólks, setja glóbalistarnir fram þá blekkingu, að þessar „grænu“ borgir, sem gera þjónustu aðgengilega íbúum innan 15 mínútna frá heimilum þeirra, muni „bjarga jörðinni“ og hjálpa öllu mannkyni.
Þess í stað eru borgirnar ekkert annað en aðferð fyrir glóbalistana til að takmarka, þvinga, sekta, refsa, hafa eftirlit með og takmarka grundvallarrétt íbúanna til ferðafrelsis. Íbúum er til dæmis ekki heimilt að fara út fyrir 15 mínútna akstursfjarlægð frá borginni nema samkvæmt þeim fjölda, sem yfirvöld setja. Annars þurfa þeir að greiða sekt. Að auki munu stjórnvöld fylgjast með og stjórna hverri hreyfingu íbúanna í gegnum snjallsíma og andlitsþekkingartækni.
Loftslagslokanir á almenning þegar 2024
Hugmyndin um „15-mínútna borgina“ er afgerandi í dagskrá Sameinuðu þjóðanna 2030 og núll kolefnislosunar. World Economic Forum breiðir út þessa nýju hugmynd. Oxford, sem hefur lýst yfir „neyðarástandi í loftslagsmálum“ vonast til að 15 mínútna borgir þeirra geri þeim kleift að ná „núll losun fyrir Oxford“ sem er framtíðarsýn borgarráðs fyrir árið 2040.
Oxford ætlar að setja „loftslagslokanir“ á íbúa þegar árið 2024 til að ná núll losunarmarkmiðum árið 2040. Hugmyndin um „15 mínútna borg“ er einnig afgerandi fyrir dagskrá Sameinuðu þjóðanna 2030. Og World Economic Forum kyndir undir hugmyndinni.
Oxford verður skipt í sex svæði „til að bjarga jörðinni frá hnattrænni hlýnun.“ Rafrænar girðingar eru settar á aðkomuvegi til að tryggja að íbúar haldi sig innan eigin svæðis. Íbúum er heimilt að yfirgefa 15 mínútna borg sína að hámarki 100 sinnum á ári en þá verða þeir fyrst að skrá bílinn sinn, sem er fylgst með um alla borg með snjallmyndavélum.
Þó að upphafleg keyrsluúthlutun kunni að virðast sanngjörn fyrir suma, þá má örugglega reikna með, að bætt verði við viðbótartakmörkunum og færri keyrslum úthlutað, þegar almenningur samþykkir að ríkið hafi rétt til að takmarka ferðafrelsið. Eins og var æft á skýran hátt í Covid-lokunum.
Katie Hopkins útskýrir 15 mínútna borgarhugmyndina:
Mótmæli
Íbúar Oxford eru bálreiðir yfir áformum borgarráðs að breyta borginni í „15 mínútna“ stjórnunarsvæði. Borgarráðið skellir skollaeyrum yfir mótmælunum sbr. myndbandið að neðan:
Oxfordbúar mótmæla og fjölmiðlar þegja
Íbúar Oxfordborgar hafa farið út á götur til að mótmæla: „Auðvitað þegja fjölmiðlar“ skrifar breska blaðakonan Sophie Corcoran. Hún hvetur fólk til að standa með íbúum Oxford gegn þessari tegund af alræði:
Gera samninga í bakherbergjum í Davos
„Í lok þessarar viku munu þúsundir úr heimselítunni fljúga til Davos í einkaþotum sínum á meðan fólk um allan heim á að vera bundið við 15 mínútna svæði í borgum sínum og þarf leyfi til að aka út fyrir þau,“ sagði Corcoran.
Corcoran er að vísa til glóbalista ráðstefnunnar í næstu viku í Davos. Búist er við 2.700 leiðtogum heims, þar af 52 þjóðarleiðtogum, frá ríkisstjórnum, fyrirtækjum og borgaralegum samtökum 130 ríkja. 600 helstu fyrirtækjaforstjórum heims er boðið. Umræður eru haldnar fyrir opnum tjöldum en í bakherbergjum gera glóbalistarnir alla leynisamninga.
Lifa flott á meðan þeir ákveða 15 mínútna borgarfangelsi fyrir almenning
Á meðan fólk um allan heim neyðist til að velja á milli þess að borða kvöldmat eða hita upp heimili sín, flýgur heimselítan til Davos í einkaflugvélum sínum, gistir á flottum hótelum, borðar dýran mat og skipuleggur hvernig eigi að takmarka líf almennings í „15 mínútna“ borgarfangelsum.
Hollenski flokkurinn Lýðræðissambandið (FvD) gerði myndband á ensku um hættulega og frelsisskerðandi stefnu, sem ákveðin var af glóbalistunum í Davos í maí á síðastliðnu ári, sjá myndband hér að neðan:
