Hafa þegið 31 milljón dollara frá kínversku leyniþjónustunni
Biden fjölskyldan fékk 31 milljón dollara frá kínverskum njósnurum á meðan Joe Biden var varaforseti. Peter Schweizer greindi frá málinu í þætti Mark Levins nýlega:
„Eitt af því undarlegasta sem við komumst að, er sú einfalda staðreynd, að Biden fjölskyldan fékk um 31 milljón dollara frá kínverskum einstaklingum sem tengjast æðstu stjórn kínversku leyniþjónustunnar á meðan hann var varaforseti Bandaríkjanna og greiðslurnar héldu áfram eftir að hann varð forseti.”
Fordæmalaus viðskipti Biden fjölskyldunnar
Peter Schweizer hjá Breitbart opinberaði nýlega, hvernig Biden fjölskyldan hefur hagnast á viðskiptum við einstaklinga, sem „tengjast æðstu stjórn kínversku leyniþjónustunnar.
Schweizer er höfundur bókarinnar „Staðinn að verki: Hvernig bandaríska elítan verður rík á því að hjálpa Kína að vinna“ (Red-Handed: How American Elites Get Rich Helping China Win). Hann sagði að sonur Joe Biden, Hunter Biden, hafi tekið þátt í samningum við einstaklinga í stjórn kínversu leyniþjónustunnar, samtímis sem öldungurinn Biden var bæði í embætti varaforseta og forseta. Hann kallaði viðskipti Biden fjölskyldunnar „fordæmalaus“.
„Eitt af því undarlegasta sem við komumst að, er sú einfalda staðreynd, að Biden fjölskyldan fékk um 31 milljón dollara frá kínverskum einstaklingum sem tengjast æðstu stjórn kínversku leyniþjónustunnar á meðan hann var varaforseti Bandaríkjanna og greiðslurnar héldu áfram eftir að hann varð forseti“ sagði Schweizer á Fox News Channel’s Life, Liberty & Levin.
Hann hélt áfram: „Og þessi samningur, sem við birtum í bókinni, var framkvæmdur af nokkrum einstaklingum. Einn þeirra heitir Che Feng. Hunter Biden vísar til hans í tölvubréfum sínum sem „Ofurstjórnandans.“ Þetta er eins konar gælunafn og Biden skrifar í einum tölvupósti: „Ég trúi ekki lengur á happdrætti, en ég trúi á Ofurstjórnandann.“
Hér að neðan er viðtal Levin við Schweizer.
