Það eru ekki miklar líkur á því að stríðinu í Úkraínu ljúki í bráð. Talið er að því ljúki ekki fyrr en að loknum forsetakosningum í Bandaríkjunum. Fréttum er stýrt svo þær verði Bandaríkjamönnum þóknanlegar. Þetta var meðal þess sem fram kom í máli Stefáns Pálssonar sagnfræðings í þætti Péturs Gunnlaugssonar í gær.
Stefán segir að ástæðan sé sú að Joe Biden forseti Bandaríkjanna vilji alls ekki að stríðinu ljúki fyrir kosningarnar því hann hafi málað upp óvinin. Hann hafi teiknað upp Rússa sem nokkurs konar Hitler og ljúki stríðinu fyrir kosningar yrði litið svo á að það væri ákveðin uppgjöf falin í því af hálfu Bandaríkjanna sem í raun hafi knúið áfram þetta stríð.
Hermenn falla
Stefán segir stríðið i raun vera afar sérstakt og í raun skrítið og líkja mætti því við fyrri heimsstyrjöldina þar sem þarna sé víglína sem færist lítið. Það eru frekar hermenn sem falla fremur en almennir borgarar öfugt við önnur mörg stríð sem háð hafa verið. Hann segir að hann hefði ekki átt von á að sjá slíkt stríð.
Óábyggilegar og upp lognar fréttir af stríðinu í Úkraínu
Hann segir Bandaríkjamenn hafa lært eitt í Kóreustríðinu á sínum tíma og það sé að hleypa helst ekki blaða og fréttamönnum á svæðið. Þannig geti Bandaríkjaher að miklu leyti stýrt þeirri umfjöllun sem er sett fram í fréttum um stríðið. Einmitt þess vegna sé staðan sú að lítið berist af fréttum úr stríðinu í Úkraínu og tölur um mannfall eru yfirleitt upp lognar á báða bóga og erfitt sé að henda reiður á hvaða upplýsingar sem þaðan koma séu réttar.
Sú upplýsingaóreiða hafi hingað til haft þann tilgang að tryggja pólitískan stuðning við vopnasendingar á svæðið og annað slíkt.
Hlusta má á ítarlegri umfjöllun um Úkraínustríðið í spilaranum hér að neðan
