Di Dongsheng prófessor við Renmin háskólann í Peking sagði á ráðstefnu 28. nóvember s.l. að kínverskir kommúnistar hefðu haft áhrif í Bandaríkjunum í áratugi gegnum „gamla vini“ á Wall Street en það var eyðilegt þegar Donald Trump var kjörinn forseti 2016. „Kommúnistaflokkur Kína notfærði sér kjarnann í innsta valdahring Bandaríkjanna. Við fundum leið fyrir okkur og hverjum við gátum treyst. Eftir fjármálakreppuna 2008 minnkuðu áhrif Wall Street. En það sem er mikilvægara og byrjaði 2016 var að Wall Street hafði engin áhrif á Trump.“
Prófessorinn sagði að með komu ríkisstjórnar Joe Biden geti kommúnistar á ný reitt sig á valdamikla bandaríska stuðningsmenn. „Hin hefðbundna elíta, stjórnmálaelítan og ráðamenn hafa náin sambönd við Wall Street“ sagði Di.
Kommúnistaflokkkurinn með í ráðum við fjárgreiðslur til Hunter Biden
Síðan ræddi hann um ásakanir á hendur Hunter Biden, son Joe Biden, og sambönd Hunters við ríkisstjórn Kína og annarra erlendra ríkja vegna viðskiptasamninga og fjárfestinga. Tony Bobulinski fv. samstarfsmaður Hunter Biden ljóstraði upp að hann hefði átt samtal við þáverandi varaforseta Bandaríkjanna Joe Biden vegna viðskiptasamnings Bandaríkjanna við kínverska orkufyrirtækið China Energy Company sem núna er gjaldþrota. Bobulinski var forstjóri Sino Hawk, fyrirtækis sem var stofnað til að halda um fjárfestingar kínverska fyrirtækisins og fékk 10 milljónir dollara frá China Energy Company en forstjóri þess var í nánum tengslum við Kommúnistaflokkinn.
Di sagði: „Hver hjálpaði honum (Hunter) að fjármagna sjóðina? Þið skiljið – það eru yfirfærslur með í dæminu.“
Eyðileggjandinn mikli: Donald Trump
Donald Trump lagði áherslu á slæm viðskipti við Kína í kosningabaráttunni 2016. Sagði Trump að útflutningur atvinnu til Kína kostaði Bandaríkin þúsundir framleiðslustarfa. Sem forseti hóf Trump að tollsetja innflutning á kínverskum vörum til Bandaríkjanna. Di sagði „Af hverju áttum við í erfiðleika með Trump, þegar við gátum leyst alls konar vandamál milli Kína og Bandaríkjanna frá 1992 – 2016?“ Sagði Di að „allar krísur“ í samskiptum Kína og Bandaríkjanna eins og t.d. sprenging kínverska sendiráðsins í Belgrad 1999, voru leystar „innan tveggja mánaða.“ Ástæða þess er að sögn prófessor Di að Kommúnistaflokkurinn hafði „fólk á háum stöðum í Bandaríkjunum.“ Wall Street hefur hjálpað kommúnistum í viðskiptastríðinu „Vinir okkar í Bandaríkjunm segja að þeir hafa reynt að koma okkur til hjálpar en voru ekki þess megnugir,“ sagði Di.
Vinir á valdastólum
Sem dæmi nefnd Di heimsókn Xi Jinping til Bandaríkjanna 2015. Kommúnistaflokkurinn var á kafi í undirbúningu fyrir heimsóknina m.a. með því að „hita upp fyrir heimsóknina með jákvæðrí ímynd stjórnanda kommúnistaflokksins.“ Gefin var út í fyrsta skipti á ensku bók með ræðum Xi Jinping aðalritara kommúnistaflokksins „Xi Jinping um stórnun ríkisvaldsins“ sem inniheldur ræður Xi um pólitíska hugmyndafræði kommúnismans. Var óháð bókabúð á Connecticut Avenue í Washington DC valin til að halda útgáfuathöfnina. En eigandi búðarinnar, sem hafði starfað um skeið sem fréttaritari í Asíu, vildi ekki leyfa athöfnina vegna „fordóma“ á kommúnistaflokknum.
Di sagði frá því hvernig vinir kommúnistaflokksins gengu í málið svo athöfnin fór engu að síður fram í búðinni. Eldri Gyðingur, kona, formaður Asíudeildar hjá topp fjármálastofnun á Wall Street beitti búðareigandann þrýstingi sem „læknaði hann af fordómunum“ gagnvart kommúnistaflokknum. Kínverskir ríkisfjölmiðlar gátu því drjúgir greint frá „umræðum Cui Tiankai sendherra Kína í Bandaríkjunum við hátt settan kínverskan embættismann í ríkisstjórninni um bók Xi Jinping um kosti kommúnistaríkisins.“
Gegnumsýrðir af siðblindu
Þegar viðskiptastríðið hófst við Kína hurfu margir fjárfestar frá fjárfestingum í Kína. Wall Street hefur aftur á móti aukið viðskiptatengslin eftir að Peking opnaði upp fjármálageirann í Kína. Viðskiptaráðgjafi Hvíta hússins Peter Navarro sagði í viðtali í október s.l. „að Wall Street væri gegnumsýrt af siðblindu. Þeir hafa enga siðferðiskennd eða föðurlandsást. Þetta snýst allt um peningana.“ Samtímis er verið að athuga fjárfestingar bandarískra aðila í kínverskum fyrirtækjum sem vinna með Alþýðuhernum eða aðstoða við skerðingu mannréttinda. Bandarískir embættismenn vara fjárfesta við slíkum fjárfestingum og Donald Trump skrifaði í fyrra mánuði undir tilskipun sem bannar Bandaríkjamönnum að fjárfesta í kínverskum fyrirtækjum á bannlista Pentagon sem eru í eigu Alþýðuherisins til að koma í veg fyrir að Bandaríkin útvegi fé sem auðveldi kommúnistum að ná hernaðarlegum markmiðum sínum. Bannið tekur gildi 21. janúar 2021. Þegar hafa fyrirtæki eins og FTSE Russel tilkynnt að fyrirtækið losar sig við hlutafé í 8 kínverskum fyrirtækjum sem voru á bannlista Pentagon.
Í kosningabaráttunni sendi Wall Street yfir 70 milljónir dollara til Joe Biden frambjóðanda Demókrataflokksins sem var langtum hærri tala en fjárfestingasjóðir sendu Trump að sögn CNBC. Trump sagði við blaðamenn á kjördag að þar sem Biden hefði fengið svo mikið fé frá Wall Street „þýðir að þeir hafa gert með sér samning.“
„Ég hringdi ekki í forstjóra fyrirtækjanna á Wall Street og sagði: sendið mér 25 milljónir dollara hver. Ég gæti hafa gert það. Það hefði orði stærsta sjóðssöfnun nokkru sinni ef ég hefði gert það. En um leið og þú hefur einu sinni gert það, þá getur þú ekki lengur staðið uppréttur og samið við þá. Þú getur það ekki“ sagði Donald Trump Bandaríkjaforseti.
Sjá nánar hér
