Í könnun Dagens Nyheter, DN, lýsir meirihluti aðspurðra fræðimanna, að þeir hafi áhyggjur af því að afstaða fólks til umhverfis- og loftslagsvísinda hafi breyst. Þeim misbýður einnig, að allir trúi ekki á loftslagsdómsdaginn eins og Greta Thunberg.
DN – sem sjálft dreifir falsfréttum með reglulegu millibili – hefur sent út könnun til allra háskóla í Svíþjóð. Þessu hafa 212 fræðimenn svarað í viðfangsefnum um umhverfi og loftslag.
Kenna Donald Trump um gagnrýni Svía á dómsdagspredikanir aðgerðasinna
Meira en helmingur segir, að þeim finnist traust á vísindum hafa minnkað á síðustu fimm árum. Rúmlega fjórðungur segist einnig hafa orðið fyrir gagnrýni vegna rannsókna sinna eða staðhæfinga, sem þeir komu með í fjölmiðlum. Margir telja að ástandið versni við fjölmiðlaneyslu og umræðu á samfélagsmiðlum. Þeir benda á Bandaríkin og Donald Trump, sem fullyrt er að ljúgi um þessi mál. Þriðjungur telur að sænskir stjórnmálamenn hunsi eða efist um „hefðbundin vísindi.“
Margir fræðimannanna kalla eftir því að deildir og háskólastjórnir sýni fram á, hvernig eigi að bregðast við þessu vantrausti á vísindin. Sumir lýsa einnig áhyggjum af minni fjárveitingu til umhverfis- og loftslagsvísinda.
Alvarlegt að þingmenn komi út úr skápnum sem „loftslags-afneitunarsinnar“
Sú staðreynd að loftslags- og umhverfisfræðingar hafa áhyggjur af auknu „viðnámi gegn staðreyndum“ veldur Mats Persson menntamálaráðherra áhyggjum. Hann segir í tölvubréfi til DN:
„Það er áhyggjuefni, að vísindamönnum á svo mikilvægu sviði finnist traust á vísindum sem þeir stunda hafi minnkað. Loftslagið er eitt af þeim framtíðarmálum sem Svíar verða að fjárfesta í sem þekkingarþjóð.“
Ennfremur skrifar Persson, að það sé mjög alvarlegt og vinni gegn vísindunum, að stjórnmálamenn komi út á þingi „afneitunarsinnar í loftslagsmálum.“
