Ástralski prófessorinn og jarðfræðingurinn Ian Plimer segir, að loftslagsmóðursýki glóbalistanna hafi „grundvallargalla.“ Nefnilega fullyrðinguna um að koltvísýringur ýti undir hlýnun jarðar. Þannig er því ekki farið í raunveruleikanum. Sagan sýnir það. Ian Plimer segir í viðtali (sjá myndband að neðan): „Yfir jarðfræðileg tímabil er engin fylgni á milli koltvísýrings í andrúmsloftinu og hitastigs.“
Andúð glóbalista á koltvísýringi á sér enga stoð í raunveruleikanum
Í viðtali við GWPF/Net Zero Watch heldur prófessorinn og jarðfræðingurinn Ian Plimer því fram, að loftslagsmál glóbalistanna byggist á röngum forsendum. Andúð þeirra á koltvísýringi á sér enga stoð í raunveruleikanum.
„Ég bið þá um að sýna mér, að losun manna knýr hlýnun jarðar. Vegna þess að öll orkustefnan byggir á losun. En engum hefur enn tekist að sýna fram á að losun manna á koltvísýringi ýti undir hlýnun jarðar. Og ef það gerðist, þá þyrftu þeir líka að sýna fram á að náttúruleg losun – sem er 97% heildarlosunar – ýti ekki undir hlýnun jarðar.“
„Ef ég lít aftur í tímann með jarðfræðilegum augum og skoða tímabil í fortíðinni, þegar við höfðum mjög hátt koltvísýringsmagn í andrúmsloftinu, allt að hundruð sinnum hærra en er núna, þá sjáum við að það var engin hömlulaus hlýnun.“
Loftslagsbreytingar hafa alltaf verið til
Það er ekkert skrítið. Loftslagsbreytingar hafa alltaf verið til. Þær gerast allan tímann. Þannig á það að vera. Það er eðlilegt.
„Við höfum í rauninni haft sex miklar ísaldir og það er engin fylgni yfir jarðfræðilegan tíma á milli koltvísýrings í andrúmsloftinu og hitastigs Sagan sýnir okkur reyndar, að koltvísýringur knýr ekki hlýnun jarðar. Þannig að við höfum þá grundvallarvillu sem er losunin. Hún knýr ekki fram hlýnun jarðar.“
Engin þarf að kaupa rafknúin farartæki
Á samfélagsmiðlum bregðast ýmsir við viðtalinu. Einn notandi á Twitter skrifar:
„Ef almenning færi að gruna að loftslagsbreytingarnar sem eiga sér stað núna séu í raun ekki af manna völdum, þá myndi enginn kaupa rafknúin farartæki og ESG-áætlun Alþjóða efnahagsráðsins WEF yrði erfiðari í framkvæmd.“
„Kolefnishringrásin er fullkomlega lokuð hringrás“ segir annar.
