ESB reynir nú að finna lagagrundvöll til að geta tekið rússneskar eignir eignarnámi, sem fram að þessu hafa verið frystar. Markmiðið er þannig ekki lengur að frysta eignirnar heldur að gera þær upptækar. Þetta skýrði forseti framkvæmdastjórnar Evrópusambandsins, Ursula von der Leyen, á ráðstefnu í Berlín í gær.
Markmiðið er að leggja hald á eignirnar
ESB vinnur að því að finna lagagrundvöll til að geta tekið frystar rússneskar eignir eignarnámi. Ursula von der Leyen sagði málið ekki einfalt en að:
„Markmið okkar er ekki aðeins að frysta eignirnar heldur að leggja hald á eignirnar. Við erum að vinna í málunum. Við höfum stofnað vinnuhóp með mörgum sérfræðingum frá aðildarlöndum okkar og alþjóðlegum sérfræðingum. Þessi starfshópur mun að hluta kanna hvaða eignir eru til staðar og að hluta til hvaða lagaskilyrði eru nauðsynleg til að gera fjárnám í þessum eignum og nota t.d. við enduruppbyggingu Úkraínu.“
„Viljinn er fyrir hendi, en lagalega séð er þetta enginn léttur róður. Mikil vinna er eftir til að ná markmiðinu. Við krefjumst reglna réttarríkisins og þess vegna höldum við okkur við það. Af þeim sökum verður ferlið að vera lagalega rétt.“
Pólland sammála eignaupptöku á frystum rússneskum eigum
Alþjóðabankinn hefur áður tilkynnt, að um 350 milljarða evra þurfi til að endurbyggja Úkraínu, að sögn Tass, sem einnig greindi frá yfirlýsingu Ursula von der Leyen. Fréttastofan skrifaði þriðjudag:
„Það samsvarar nokkurn veginn þeirri upphæð sem ESB og Bandaríkin sögðust eiga í frystum rússneskum eignum.“
Mateusz Morawiecki, forsætisráðherra Póllands, krefst einnig þess sama, að sögn AP/ABC News, það er að segja að rússnesku eignirnar „verði að gera upptækar.“
