Andglóbalistinn, verkfræðingurinn, öldungadeildarþingmaðurinn Malcolm Roberts heldur því fram, að loftslagsdómsdagsspáin sé svindl, þ.e.a.s sú fullyrðing að menn stjórni magni koltvísýrings í andrúmsloftinu. „Því er ekki þannig háttað“ segir hann. „Það er náttúran sem stjórnar þessu. Þetta er ekkert til að hafa neinar áhyggjur af“ sagði hann í ræðu á ástralska þinginu.
Að sögn ástralska öldungadeildarþingmannsins Malcolm Roberts, sem sjálfur er lærður verkfræðingur, er einn grundvallarvandi í sambandi við boðskapinn um loftslagsdómsdaginn. Í síðustu tveimur efnahagslægðum í heiminum, þegar koltvísýringslosun minnkaði mikið, var enginn munur á koltvísýringi í lofti og hitastigi heimsins.
Hlustar á vísindamenn og rökræðir vísindin
Malcolm Roberts sagði í ræðu sinni á ástralska þinginu:
„Sem verkfræðingur ber ég virðingu fyrir og ráðfæri mig við vísindamenn. Sem verkfræðingur að mennt í lofttegundum og sem verkefnastjóri bar ég ábyrgð á lífi hundruða manna á grundvelli þekkingar minnar á lofttegundum. Ég hlustaði á vísindamenn, ég yfirheyrði vísindamenn og ég rökræddi vísindin. Ég hef aldrei fundið neinn með rökrétt vísindaleg sjónarmið byggð á sönnunum reynsluvísinda, sem hefur sýnt, að við höfum þurfum yfir höfuð að hafa áhyggjur af málunum.“
Þrátt fyrir minni losun jókst koltvísýringur í andrúmsloftinu
„Grundvöllurinn er eftirfarandi: þegar þú brennir kolvetniseldsneyti brennir þú sameindum sem innihalda kolefni og vetni með súrefni og þær mynda CO2, koltvísýring og H2O, vatnsgufu. Það er allt og sumt. Koldíoxíð er nauðsynlegt fyrir allt líf. En förum aðeins út fyrir vísindin og skoðum eðlilegar tilraunir. Við höfum gert tvær eðlilegar tilraunir, hnattrænar tilraunir, á síðustu 14 árum. Sú fyrsta var árið 2009 þegar notkun kolvetniseldsneytis dróst saman í efnahagslægðinni sem fylgdi alþjóðlegu fjármálakreppunni. Minni koltvísýringur var framleiddur við notkun mannsins á kolvetni. Hvað gerðist varðandi magn koltvísýrings í andrúmsloftinu? Það hélt áfram að aukast. Hvað gerðist árið 2020, þegar við lentum í miklum efnahagslegum samdrætti, næstum því lægð, um allan heim í kjölfar Covid-lokana sem ríkisstjórnir settu á? Við sáum sömu minnkun á notkun manna á kolvetniseldsneyti og sömu minnkun á CO2-vinnslu manna, en samt hélt CO2 áfram að aukast í andrúmsloftinu. Þeir sem skilja vísindin skilja, að þau eru grundvallaratriði: menn geta ekki og hafa ekki áhrif á magn koltvísýrings í andrúmsloftinu. Þessu er algjörlega stjórnað af náttúrunni.“
Hugmyndafræði í stað vísinda
Roberts telur að valdhafar verði að hætta að byggja ákvarðanir sínar á svokölluðum „sérfræðingum“ loftslagsaðgerðarsinna og loftslagshugmyndafræði glóbalistanna. Vegna þess að það er það sem það er, að hans sögn. Hugmyndafræði, ekki vísindi.
„Það er engin hætta. Hitastigið er ekki einsdæmi. Við þurfum að snúa aftur til vísindanna, reynsluvísinda, og byggja stefnu okkar á þeim.“
