Greining á umframdánartíðni eftir bólusetningu gegn Covid-19 sýnir, að 17 milljónir dauðsfalla hafa átt sér stað í tengslum við bólusetninguna í 17 af löndum heims.
Samkvæmt The Epoch Times hafa alls 13,25 milljónir bólusetninga verið greindar frá upphafi bóluefnisáætlana til 2. september 2023. Hversu sterk tengslin eru á milli bólusetningar og hvers einstaks dauðsfalls er ekki ljóst af rannsókninni en rannsakendur telja, að umframdauðinn tali sínu skýra máli og segja í yfirlýsingu:
„Þetta samsvarar gríðarlegum sjúkdómsvaldi sem deyðir (0,213 ± 0,006)% jarðarbúa (1 dauðsfall á hverja 470 lifandi einstaklinga á innan við 3 árum) og kom ekki mælanlega í veg fyrir dauðsföll.“
Þúsund sinnum meiri hætta á að deyja af völdum Covid-19 bóluefna en lyfjarisarnir sögðu
Samkvæmt vísindamönnunum er ekki hægt að greina minni dánartíðni í Covid-19 þrátt fyrir bólusetningu – eins og það ætti að vera – heldur þvert á móti gríðarlegan umframdauða sem kom fram í klínískum rannsóknum lyfjarisanna.
„Heildarhættan á að deyja af völdum Covid-19 bóluefna er 1.000 sinnum meiri en áður hefur verið greint frá samkvæmt gögnum klínískra rannsókna, eftirliti með aukaverkunum og tölfræði um dánarorsök sem fengin eru úr dánarvottorðum.“
Skýrslan (sjá pdf að neðan), sem hefur ekki enn verið birt í ritrýndu vísindatímariti, mun líklega vekja umræðu innan vísindasamfélagsins.
