Kínverjar hóta að skjóta niður flugvél Pelósí
Töluvert hefur verið rætt um fyrirhugaða Taívan ferð forseta bandaríska þingsins, Nancy Pelósi en stríðsfyrirsagnirnar fylla kínverska fjölmiðla þessa stundina. Sagt er að Xi Jinping hafi „varað“ vin sinn Joe Biden við því í símtali fyrir helgi, að „þeir sem leika sér að eldinum geta brennt sig.“ Þá hafa kínverskir ráðamenn gefið út þær yfirlýsingar, að bandarískar herþotur í fylgd flugvélar Pelósí til Taívan „geri samstundis árás á Kína um leið og þær fljúga inn í tævanska lofthelgi“ og að „1, 4 milljarðar Kínverja munu ekki láta það gerast átölulaust.“ Lýsir málgagn kommúnistaflokksins Global Times allri ábyrgð á hendur Bandaríkjunum ef til átaka kemur. Sagt er að Alþýðuherinn sé í viðbragðsstöðu og Bandaríkjamenn eru með stór herskip á heræfingu í Kínahafi sem hefur leitt til mikils skjálfta meðal sjóhers alþýðuhersins sem einnig sendi flota á vettvang til æfinga. Gervitunglamyndir sýna kínversk skip elta þau bandarísku og æfingarnar sagðar geta orðið eldfimar.
Hafa málin gengið það langt, að Pentagon hefur tilkynnti Hvíta húsinu að hætta við för Pelósi til Taívan, þar sem friði yrði stefnt í hættu með ferðinni.
Allt sem Nancy Pelósí snertir verður að vandræðum
Einn sem ekki er hissa á látunum er Donald Trump sem segir á félagsmiðli sannleikans „Truth Social“:„Varla er Nancy Pelosi að blanda sér í Kína og Taívan til neins annars en að skapa vandræði og græða meiri peninga, hugsanlega með innherjaviðskiptum og upplýsingum fyrir sviksamlegan eiginmann sinn? Allt sem hún snertir verður að slysi, óreiðu og „dellu“ (önnur meiriháttar „afglöp“ hennar á þinginu eru að gerast núna!) Kína klúðrið er það síðasta sem hún ætti að taka þátt í – hún mun aðeins gera hlutina verri. Nancy vitleysingurinn hendir sér bara í málin og skapar mikinn núning og hatur. Hún er svo mikil rugl !!!“
Flug bandarískra orrustuþota í landhelgi Taívan jafngildir innrás
Pelósí hefur verið hótað af talsmanni kínverska kommúnistaflokksins vegna ferðarinnar að sögn The Gateway Pundit:
„Ef bandarískar orrustuþotur fylgja flugvél Pelosi inn í Taívan, þá jafngildir það innrás“ tísti Hu Xijin, sérfræðingur hjá kínverska ríkisáróðursmiðlinum Global Times. „Alþýðuherinn hefur rétt til að fjarlægja flugvél Pelosi og bandarísku orrustuþoturnar með valdi, þar á meðal að skjóta viðvörunarskotum og búa til hindranir með taktískum hreyfingum. Ef það ber ekki árangur munu vélarnar verða skotnar niður.“
Dugar ekki Úkraínustríðið gegn Rússum fyrir demókrata? Vilja þeir fá stríð við Kína líka?
Sjá nánar hér, hér, hér og hér
