Miklar umræður er í Bandaríkjunum um sérmeðhöndlun yfirvalda á meintum glæpum Hunter Bidens, sonar Joe Bidens forseta Bandaríkjanna. FBI er uppvíst að hafa meðvitað haldið undan gögnum úr tölvu Bidens og tafið rannsókn á þeim með fáránlegum fullyrðingum eins og að Rússar hafi átt við tölvuna, svo innihaldið yrði ekki rannsakað og dregið fram í dagsljósið á meðan faðirinn keppti um forsetaembættið. Þá eru meint viðskipti hans við kínversk og úkraínsk fyrirtæki og greiðslur frá þeim til hans án nokkurs sjáanlegs framlags annað en að hann er sonur fv. varaforseta og núverandi forseta mikið til umræðu. M.a. fær H. Biden 50.000 dollara á mánuði frá úkraínska fyrirtækinu Burisma. Finnst mörgum óeðlilegt, að hann skuli ganga laus og bera t.d. saman við nornaveiðar á Donald Trump, innrás á heimili fv. forseta svo og rógburð og áróður gegn börnum hans án nokkurra fram lagðra sönnunargagna.
Mælirinn er greinilega fyrir löngu fullur, svo fullur að yfirvöld ganga núna út með yfirlýsingar um, að næg sönnunargögn séu fyrir hendi til að vekja megi kæru á Hunter Biden fyrir skattsvik og fyrir að segja ósatt um eiturlyfjaneyslu í sambandi við byssukaup að sögn Washington Post og CBS News. Það var meðal skemmtana forsetasonarins að taka nektarmyndir af sjálfum sér ásamt gleðikonum og á sumum þeirra lítur maðurinn út eins og steintröll eftir svo mikla krack neyslu að varla var vitað hvort hann væri lífs eða liðinn.
Bandaríski lögmaðurinn David C Weiss, í Delaware, sem hefur yfirumsjón með rannsókn á syni forsetans, hefur samt enga ákvörðun tekið enn, hvort ákæra verði lögð fram í málinu, að því er Post greindi frá.
Í september báðu fleiri en 30 repúblikanar í öldungadeildinni, dómsmálaráðherrann Merrick Garland um að veita Weiss „sérstaka vernd og valdaheimildir“ til að vernda sjálfstæði rannsóknar hans.
CBS News greindi frá því að Biden telji að heimildarmennirnir, sem ræddu við Washington Post, hafi verið ýtt fram til þess vegna „vonbrigða innan FBI yfir þeim langa tíma, sem saksóknarinn tekur í málið“ og að FBI „reyni að þrýsta á saksóknara til að hraða gang málsins.“
Chris Clark lögfræðingur Hunter Biden, sakaði fulltrúa FBI um að leka upplýsingum á ólöglegan hátt og bað dómsmálaráðuneytið að rannsaka og gefa út ákæru vegna lekans. Clark skrifaði í Washington Post: „Það er afbrot að alríkisfulltrúi leki upplýsingum um stóra dómsrannsókn eins og þessa. Sérhver umboðsmaður sem nefndur er sem heimild í greininni hefur greinilega framið slíkt brot.“
Núverandi rannsókn á skattaviðskiptum Hunter Biden fjallar m.a. um að hann hafi ekki gefið upp réttar tekjur eða talið fram til tekna greiðslur sem tengjast mismunandi viðskiptum erlendis, segir Washington Post. Hitt afbrot H. Bidens fjallar um að hann hafi sagt ósatt þegar hann fyllti út eyðublað vegna kaupa á skammbyssu 2018. Hann sagðist þá ekki neyta né vera háður ólöglegri neyslu eiturlyfja, þótt hann skrifaði opinberlega grein síðar um eiturlyfjaneyslu sína.
Blaðið The Guardian hefur reynt að ná sambandi við Clark sem svaraði ekki beiðni Guardian um athugasemdir. Talsmaður dómsmálaráðuneytisins neitaði að tjá sig um málið. FBI svaraði heldur ekki strax beiðnum um athugasemdir.
Hér fyrir neðan má sjá brot af öllum umfjöllunum um málið, sem vekur mikla athygli í Bandaríkjunum:
