Jens Stoltenberg, yfirmaður Nató, hefur nú sagt að stríðið í Úkraínu hafi ekki hafist árið 2022 eins og almennir fjölmiðlar segja þráfaldlega frá, heldur árið 2014. Það er sama ár og valdaránið var undir forystu Bandaríkjanna í landinu.
Stríðið hófst 2014
Það var við spurningu blaðamanns AP þann 14. febrúar sem Jens Stoltenberg, framkvæmdastjóri NATO, sagði eftirfarandi um Úkraínustríðið:
„Annað sem ég segi er, að stríðið hófst ekki í febrúar í fyrra. Stríðið hófst árið 2014. Síðan 2014 hafa bandamenn Nató veitt Úkraínu stuðning með þjálfun, með herbúnaði. Úkraínska varnarliðið var mun sterkara árið 2022 en 2020 og 2014. Það breytti auðvitað miklu, þegar Pútín forseti ákvað að ráðast á Úkraínu.“
Yfirlýsing Stoltenberg er viðurkenning Vesturlanda um upphaf stríðsins
Í umræðum um málið hjá SwebbTV segir Magnus Stenlund:
„Þetta gengur algjörlega gegn þeim fullyrðingum sem hafa verið settar fram í stríðinu, um að Rússar hafi hafið stríðið. Þetta snýst eiginlega um viðurkenningu frá Vesturlöndum — það er í rauninni það sem þetta þýðir.“
Að sögn Stenlund hefði stríðinu verið lokið, ef Úkraína hefði ekki svikið það, sem ríkið skuldbatt sig til í svokölluðum Minsk-samningum, það er að veita Donbass-lýðveldunum sjálfstæða stöðu. Magnus Stenlund bendir á:
„Samkvæmt ályktun frá öryggisráði SÞ áttu aðilar að framfylgja samkomulaginu. Það var algjörlega á hreinu. …Nú segir Stoltenberg þetta. Það er vissulega viðurkenning, jafnvel þótt það sé ekki í því samhengi sem hann segir það. Hann er ekki að leitast við að játa, heldur segir þetta fyrir tilviljun.“
Allir vita að Bandaríkin sprengdu Nord Stream en Olaf Scholz gerir ekkert
En friðarsamkomulagið í Minsk var sýndarmennska, til að „kaupa tíma“ svo hægt væri að efla hernaðarmátt Úkraínu eins og vestrænir leiðtogar hafa sjálfir viðurkennt. Magnus Stenlund fjallar einnig um hryðjuverkasprengjuárásina á Nord Stream, sem allir ríkisleiðtogar vita núna samkvæmt honum, að var framin af Bandaríkjunum. Hann líkir þessu við eiginkonu ofbeldi – gagnvart Þýskalandi.
„Allir við borðið sitja þarna og vita. Þegar (Þýskalandskanslarinn) Olaf Scholz heilsar Macron, Sunak og öllum öðrum með handabandi, þá vita þeir að Scholz samþykkir þetta og gerir ekkert. Það sannar heigulsháttinn, sem hlýtur að vera afskaplega erfitt að sætta sig við.“
Hlustaðu á yfirlýsingu Stoltenbergs á myndbandinu hér að neðan:
