Það verður trúlega aldrei hægt að giska á, hversu margir hafa látist eða slasast alvarlega á fyrsta ári eftir að hafa tekið mRNA sprautuna. Samt halda bandarísk yfirvöld áfram að þrýsta á að fólk taki fleiri s.k. örvunarsprautur, þrátt fyrir eigin gögn sem sýna, að þær hafi lítil sem engin áhrif hvað varðar að draga úr hættu á sjúkrahúsvist eða dauða.
Byggt á grein The Epoch Times um málið
- Samkvæmt könnun í desember 2021 meðal 2,840 Bandaríkjamanna, létust á milli 217,330 og 332,608 manns af völdum Covid-sprauta árið 2021.
- Niðurstöður könnunarinnar sýndu einnig, að fólk sem var bólusett var líklegra til að þekkja einhvern sem lenti í heilsufarsvandamálum vegna Covid-19 sýkingar en þeir óbólusettu. Líklegra var að þeir óbólusettu þekktu einhvern, sem upplifði heilsufarsvandamál eftir að hafa fengið sprautuna.
- Af þeim sem svöruðu þekktu 34% einn eða fleiri einstaklinga sem höfðu upplifað verulegt heilsufarsvandamál vegna Covid-19 veikinnar og 22% þekktu einn eða fleiri sem höfðu fengið alvarlegar aukaverkanir af völdum sprautunnar.
- 51% aðspurðra í könnuninni voru bólusettir. Af þeim sögðust 13% hafa upplifað „alvarlegt“ heilsufarsvandamál eftir sprautuna. Það má bera saman við sex mánaða öryggisgreiningu Pfizes, sem fullyrti að aðeins 1,2% þátttakenda í þeirra greiningu hafi fundið fyrir alvarlegum aukaverkunum.
- Í desember 2022 spurði Rasmussen Reports 1.000 Bandaríkjamenn. Í þeirri könnun sögðust 34% hafa fundið fyrir minniháttar aukaverkunum af bólusetningunni og 7% greindu frá meiriháttar aukaverkunum.
Dánartölur í öllum heiminum af völdum bóluefnanna gæti verið 10-12 milljónir
Þó að ljóst sé að Covid-tilraunasprauturnar hafi valdið dauða töluverðan fjölda fólks, er heildartala látinna enn fáránlegur, þökk sé bandarískum heilbrigðisstofnunum sem hylja, fela og hagræða gögnum.
Nýjasta könnunin – sem birtist í ritrýnda tímaritinu BMC Infectious Diseases – setur dauðsföll af völdum Covid-bólusetninga einhvers staðar á milli 217,330 og 332,608 einstaklinga einungis á árinu 2021. Eins og fram kom hjá Steve Kirsch:
„[Við höfum] drepið að minnsta kosti 217.000 Bandaríkjamönnum og alvarlega slasað 33 milljónir … á aðeins fyrsta ári og CDC [Smitsjúkdómavarnarstofnunin] og FDA [Matvæla- og lyfjaeftirlitið] vilja, að þú takir fleiri sprautur … Þar sem dauðsföll af völdum bóluefnisins voru hærri árið 2022, myndu flestir sérfræðingar áætla, að heildardánartölur vegna Covid-bólusetninganna hafi verið á bilinu 500 – 600 þúsund manns.“
„Þannig að dánartollurinn í öllum heiminum vegna þessara bóluefna er á bilinu 10 til 12 milljónir manna … Þessi [gögn] eru í samræmi við tölurnar, sem ég hef sagt í langan tíma. Þetta er engin tilviljun.“
Kannað hvers vegna fólk lét eða lét ekki bólusetja sig
Meginmarkmið könnunarinnar var að „greina þá þætti sem bandarískir ríkisborgarar tengja ákvörðun sinni um að láta bólusetja sig gegn COVID-19.“ Höfundur var forvitinn um, hvers vegna 31% Bandaríkjamanna höfðu afþakkað stungulyfið eða ekki lokið örvunarsprautuferlinu í nóvember 2022 – næstum tveimur árum eftir heljarins mikla auglýsingaherferð að láta bólusetja sig.
Útreikningur á hlutfalli dánartala vegna bólusetninganna var aukaatriði. Eins og útskýrt er af höfundinum, Mark Skidmore, Ph.D., hagfræðiprófessor við Michigan State University:
„Það er að mestu órannsakaður þáttur, hversu alvarleg heilsufarsvandamál, sem stafa af Covid-19 veikinni eða Covid-19 bólusetningunum meðal fjölskyldu og vina, hafa haft áhrif á ákvörðunina um að láta bólusetja sig.
„Meginmarkmið þessarar netkönnunar á heilsufarsupplifun Covid-19 er að kanna, að hve miklu leyti Covid-19 sjúkdómurinn og aukaverkanir af völdum Covid-19 bóluefna meðal vina og fjölskyldu, hvort sem þær eru skynjaðir eða raunverulegir, höfðu áhrif á ákvarðanir um að láta bólusetja sig. Annað markmið þessarar vinnu er að áætla heildarfjölda dauðsfalla af völdum Covid-19 bóluefnis á landsvísu út frá könnuninni.“
Hér er málsgrein sem lýsir aðferðafræðinni:
„Könnun var gerð á netinu um heilsufarsupplifun af Cocid-19. Upplýsingum var safnað um ástæður með og á gegn Covid 19 bólusetningum, reynslu af Covid-19 veikindum og Covid-19 bólusetningum af svarendum könnunarinnar og félagshópum þeirra. Greiningar voru gerðar til að bera kennsl á þætti, sem hafa áhrif á líkur til að láta bólusetja sig.“
Niðurstöður könnunarinnar
Alls luku 2.840 manns könnuninni á tímabilinu 18. desember til 23. desember 2021. Meðalaldur var 47 og kynjahlutfall 51% konur, 49% karlar. Rúmlega helmingur, 51%, hafði fengið eina eða fleiri Covid-sprautur. Eins og Skidmore grunaði sýndu niðurstöðurnar, að fólk sem tók sprautuna var líklegra til að þekkja einhvern sem glímdi við heilsufarsvandamál vegna COVID-19 sýkingar. Þeir sem þekktu einhvern sem upplifði heilsufarsvandamál eftir að hafa fengið sprautuna voru ólíklegri til að láta bólusetja sig.
Af svarendum þekktu 34% einn eða fleiri einstaklinga sem höfðu upplifað verulegt heilsufarsvandamál vegna kórónuveikinnar og 22% þekktu einn eða fleiri sem höfðu slasast af völdum sprautunnar. Svo, eins og höfundur bendir á:
„Að þekkja einhvern sem segir frá alvarlegum heilsufarsvandamálum annaðhvort vegna Covid-19 eða Covid-19 bólusetningar er mikilvægur þáttur fyrir ákvörðunina um að láta bólusetja sig.“
Hvað varðar tegundir aukaverkana sem fólk upplifði, þá innihéldu þær (en voru ekki takmarkaðar við):
- Hjarta- og hjarta- og æðavandamál.
- Alvarleg Covid sýking eða aðrir öndunarfærasjúkdómar.
- Almenn vanlíðan, máttleysi, þreyta og öndunarörðugleikar í margar vikur.
- Blóðtappar og heilablóðfall.
- Dauði.
Hundruð þúsunda drepnir að ástæðulausu
Byggt á þessum könnunargögnum áætlar Skidmore að:
„… heildarfjöldi banaslysa vegna Covid-19 bólusetninga getur verið allt að 278.000 (95% CI 217.330-332.608), eftir að dauðsföll sem kunna að hafa átt sér stað óháð bólusetningu eru fjarlægð.“
Ef Covid-19 væri sýking með afar háa dánartíðni væri kannski há tíðni dauðsfalla af völdum bóluefnis ásættanleg. En Covid-19 hefur einstaklega lága dánartíðni, á pari við eða lægri en inflúensa. Þess vegna ætti áhættan í tengslum við Covid-sprauturnar að vera jafn lítil.
„Dauðatollurinn á heimsvísu vegna þessara bóluefna er á bilinu 10 til 12 milljónir manna.“
— Steve Kirsch
Eins og staðan er, er áhættan af sprautunum mjög mikil, samtímis sem eigin reynslugögn Pfizers með meira en 40.000 þátttakendum sýna, að enginn ávinningur er af sprautunum hvað varðar hættu þína á sjúkrahúsvist og/eða dauða. Alger áhættuminnkun er svo lítil að hún er ómarkviss.
Hátt hlutfall aukaverkana
Tala látinna af völdum Covid-bóluefnanna er þó ekki eini örðugleikinn samkvæmt skýrslunni. Niðurstöður Skidmore benda einnig til þess, að aukaverkanir af sprautunum séu algengari en áður hefur verið rætt um. Eins og fram hefur komið hafði 51% svarenda verið bólusettur. Af þeim sögðust 15% hafa upplifað nýtt heilsufarsvandamál eftir sprautuna og 13% töldu það „alvarlegt.“ Berið það saman við sex mánaða öryggisgreiningu Pfizer, sem fullyrti að aðeins 1,2% þátttakenda í rannsókninni hafi greint frá alvarlegum aukaverkunum.
Þrátt fyrir að Kirsch hafi helmingað tölurnar, vegna þess að fólk tilkynnir minna alvarlegar aukaverkanir sem aukaverkanir, þá voru alvarlegar aukaverkanir vegna stungulyfsins fimm sinnum fleiri en þær sem Pfizer sagði frá. Kirsch skrifar:
„Þetta er ástæðan fyrir því, að Matvæla- og lyfjastofnunin FDA gerir aldrei eftirmarkaðskannanir á lyfjum sem hún samþykkir. Vegna þess að raunveruleikinn er bitu. Lyfjastofnunin hefði átt að uppgötva þetta á undan Mark Skidmore. FDA sefur við stýrið og þeir gleypa bara allt, sem lyfjafyrirtækin segja þeim, með húð og hári. Það eru mikil mistök. Af hverju gera þeir ekki svona kannanir til að sjá, hvort raunveruleikinn passi við rannsóknina?“
