Gagnrýnendur hafa lengi talið vafasamt, að Lýðheilsa Bandaríkjanna „National Institute of Health“ NIH fjármagnar tilraunir háskólans í Norður-Karólínu í Chapel Hill undir leiðsögn prófessor Ralph Baric til að þróa tækni til að fela vísbendingar um aðkomu mannsins að sköpun ofurveira á rannsóknarstofum.
Sönnun um tilbúinn uppruna SARS-CoV2 á rannsóknarstofu
Með aðstoð um 220,5 milljóna dala fjárstyrks Ofnæmis- og sóttvarnastofnunar Bandaríkjanna „National Institute of Allergy and Infectious Diseases“ NIAID, þróaði prófessor Baric tækni, sem hann stærði sig af að gæti fullkomlega leynt öllum vísbendingum um, að menn hefðu komið að því að eiga við veirur, sem búnir eru til á rannsóknarstofum. Baric kallaði uppfinningu sína „Sést ekki aðferðin“ eða „no-see’m“ á ensku.
Nú sýnir ný rannsókn (á ensku neðst á síðunni) „Endónuklasa-fingrafar gefur til kynna tilbúinn uppruna SARS-CoV2“ sem birt var á bioRxiv, að „óaðfinnanlegur bindingar“ leynibrellu prófessors Baric skilur eftir sig örstuttu en læsilegu undirskrift.
Tækni Baric hefur lengi verið umdeild. Jeffrey Sachs, formaður The Lancet COVID-19 nefndarinnar sem rannsakar uppruna COVID-19 segir:
„Hann er listamaðurinn sem setur ekki nafn sitt á málverkið; veirufræðingurinn sem setur ekki undirskrift sína í veiruna til að láta okkur vita, hvort hún sé frá náttúrunni eða framleidd á rannsóknarstofu.“
„Allt málið hrópar: Góði Guð, það var raunverulega mjög áhættusöm rannsóknaráætlun í gangi.“
Eina ástæðan til að fela sporin ef verið er að þróa lífefnavopn
Í þessum mánuði birti Sachs niðurstöður 22 mánaða rannsóknar sinnar í The Lancet, þar á meðal þá afhjúpandi niðurstöðu, að COVID-19 væri líklega framleitt á rannsóknarstofu og að tæknin kom líklega frá NIH-styrktu vísindaverkefni.
Þróunarlíffræðingurinn Bret Weinstein sagði um bindingaraðferðar Baric:
„Þetta er nákvæmlega andstæða þess sem þú myndir gera, ef áhugi þinn væri lýðheilsa. Lýðheilsuvísindamenn myndu merkja aukahluti veira með rauðum fánum – ekki reyna að finna leiðir til að fela þá. Eina ástæðan fyrir því að þú myndir vilja fela aðkomu þína er, ef þú ert að vinna í ógnvekjandi tilgangi – eins og að þróa ólögleg lífvopn – og slíkt illvirki vill vísindamaðurinn ekki að hægt sé að rekja til rannsóknarstofu hans.“
Kenndi „Leðurblökukonunni“ aðferðina að fela sporin af aðkomu manna
Ár 2016 kenndi Baric „Leðurblökukonunni“ Shi Zhengli hjá Veirufræðistofnuninni í Wuhan „sést ekki“ aðferðina. Í staðinn fékk Baric kínverska kórónuveiru sem Shi tók úr leðurblökum í Yunnan héraði. Shi og samstarfsmenn hennar við Wuhan-stofnunina sýndu í kjölfarið kunnáttu sína á áhættutækni Baric í röð birtra greina um tilraunir með viðbótarvirkni sars veira í rannsóknarstofunni í Wuhan. Gagnrýnendur Baric ásaka hann fyrir að með opinberum styrkjum frá Bandaríkjunu hafa deilt þessari hættulegu lífefnavopnatækni með kínverskum vísindamönnum með bein tengsl við kínverska herinn.
Sérfræðingar segja að afleiðingar þessarar nýju rannsóknar geta orðið víðtækar. Með því að benda á Baric, vekur rannsóknin upp möguleikann á sækja Ofnæmis- og sóttvarnarstofnunar Bandaríkjanna NIAID og háskólann í Norður-Karólínu og fleiri aðila til ábyrgðar.
Vísindamenn – m.a. nálægt Dr. Anthony Fauci, hafa ítrekað bent á, að SARS-CoV-2 veiran sem veldur COVID-19, hefur erfðafræðilegar raðir sem virðast ekki í samræmi við náttúrulega þróun: COVID-19 veiran er ekki lengur smitsöm hjá leðurblökum og próteineiginleiki veirunnar – sem þekkist ekki í þessari fjölskyldu kórónuveira – inniheldur fjölmargar stökkbreytingar sem gera hana helst smitandi hjá mönnum.
Slóðin liggur beint til rannsóknarstofu prófessors Barec og Ofnæmis- og sóttvarnarstofnunar Bandaríkjanna
Þessi nýja rannsókn (sjá skýrslu á ensku neðst á síðunni) sýnir fram á tengingu ríkisstyrktar rannsókna í Bandaríkjunum við heimsfaraldurinn. Sú slóð liggur beint til rannsóknarstofu háskólans í Norður- Karólínu og Ofnæmis- og sóttvarnarstofnunar Bandaríkjanna NIAID .
Höfundar rannsóknarinnar – hópur vísindamanna frá Duke háskólanum, háskólasjúkrahúsum í Würzburg og iðnaðarhópi – bentu á einkennandi undirskrift í amínósýrukóðanum. Þessi óafmáanlegi þáttur getur aðeins hafa komið fram úr „sést ekki“ aðferð prófessors Baric.
Í viðtali síðasta vor játaði Baric sjálfur, að á þeim tíma sem heimsfaraldurinn hófst hafi aðeins tvær eða þrjár rannsóknarstofur í heiminum stuðst við störf hans – rannsóknarstofa hans sjálfs og Veirufræðistofnunin í Wuhan.
Niðurstöður höfunda rannsóknarinnar byggjast á tilvist einstakra vefja í COVID-19 veirunni. Þeir staðir leyfa sérstökum ensímum sem kallast „takmörkunarensím“ að skera DNA í byggingareiningar af einstakri stærð sem síðan er hægt að „sauma saman í réttri röð í erfðamengi veirunnar“ að sögn höfunda rannsóknarinnar. Í meginatriðum skilur tækni Baric eftir einstaka stafsetningu í „erfðafræðilegum orðaforða“. Nýju orðin innihalda „skrýtið stafsetningarval“ sem greina þau á lúmskan hátt frá dæmigerðum veiruorðaforða.
Hefur fengið fjárstyrk til 152 rannsókna að upphæð kvarts milljarðs dollara
Heimurinn hefur nú sannanir fyrir því að SARS-CoV2 er verkfræðileg sköpun á rannsóknarstofu framleidd með tækni þróuð af prófessor Baric með fjármögnun frá bandarískum stjórnvöldum. Saksóknarar og einkalögfræðingar sem eru fulltrúar þeirra sem hafa orðið fyrir skaða vegna COVID-19 heimsfaraldursins hafa núna nauðsynleg sönnunargögn til að stefna viðkomandi til ábyrgðar.
Prófessor Baric er einn af uppáhalds séfræðingum Fauci við rannsóknum á viðbótarvirkni í kórónuveirum (gera þær að drápstæki á mannkyn). NIAID hefur veitt prófessor Baric og rannsóknarstofu hans styrk til 152 rannsókna að upphæð nær fjórðung milljarða dollara. Þessir alríkisstyrkir hafa gert Baric að vísindakóngi heimsins í rannsóknum á drápslegum eiginleikum SARS veira.
Mynd um glæpaferil Anthony Fauci á netinu
