Glóbalistaelítan hefur hreiðrað um sig í Úkraínu
Eiginkona Zelenskýs Úkraínuforseta var nýverið í París til að biðja um meira fé og stuðning við Úkraínu „til að komast í gegnum veturinn.“ Hún kíkti einnig inn í nokkrar fínar búðir til að ná í eitthvað fyrir sig og tókst að eyða samsvarandi 6 milljónum íslenskra króna á 60 mínútum.
Úkraína er í hræðilegu stríði við Rússland um þessar mundir sem kostar mannslíf og eyðileggur landið. Úkraína var í miðju stríðsins á milli Þýskalands og Rússlands í seinni heimsstyrjöldinni, fór síðan undir stjórn Sovétríkjanna þar til snemma á tíunda áratugnum þegar „járntjaldið“ féll. Landið hefur verið í brennidepli margra stjórnmálamanna og vegna ásakana um spillingu í mörg ár. George Soros, Hillary Clinton, Podestas, Nancy Pelosi og Bidens hafa öll haft tengsl við Úkraínu í mörg ár. Sonur Joe Biden græddi milljónir eftir að hafa verið settur í stjórn olíu- og gasfyrirtækisins Burisma, þrátt fyrir að hann hefði enga kunnáttu á þessu sviði.
Fyrr á þessu ári réðust Rússar inn í Úkraínu og alþjóðasamfélagið hefur sent milljarða til Úkraínu til að stöðva viðleitni Rússa. Landið segist þurfa meira fé og vörur til að komast í gegnum veturinn. Í París var greint frá því í vikunni, að Úkraína hefði fengið 1,1 milljarð dala til viðbótar í neyðaraðstoð til að komast gegnum vetrarmánuðina. Vestrænir bandamenn Úkraínu hétu einum milljarði evra (1,1 milljarði Bandaríkjadala) til viðbótar í neyðaraðstoð í vetur, sem svöruðu bænum Volodymyr Zelenský forseta um peninga til að standast árás Rússa á orkukerfi landsins.
70 lönd og alþjóðastofnanir á fundi í París til að hjálpa Úkraínu að „komast í gegnum veturinn“
Um 70 lönd og alþjóðastofnanir komu saman í París til fundar, sem haldinn var til að gera Úkraínumönnum kleift að „komast í gegnum veturinn“ að sögn Emmanual Macron. Zelenský sagði á myndbandsskilaboðum, að Úkraína þyrfti aðstoð upp á 800 milljónir evra til skamms tíma fyrir illan farinn orkugeirann.
„Auðvitað er þetta mjög há upphæð, en kostnaðurinn er minni en kostnaðurinn við hugsanlegt rafmagnsleysi.“
Þetta var enn einn stóri sigurinn fyrir Úkraínu. Aðstoð fyrir milljarða dollara hefur runnið til Úkraínumanna síðan Rússar réðust inn í landið á vakt Bidens. Eiginkona Zelenský forseta Úkraínu var einnig með í bónarferð Úkraínumanna til Parísar. Fréttir hafa borist af því, að hún hafi tekið sér frí einn daginn til að fara í stuttan verslunarleiðangur fyrir sjálfa sig á meðan hún var í borginni. The Conservative Treehouse segir, að Olena Zelenský, eiginkona Volodymyr Zelenský forseta Úkraínu, hafi ferðast til Parísar í þriggja daga heimsókn 12.-14. desember. Le Monde greindi frá:
„Meðlimir úkraínsku ríkisstjórnarinnar munu einnig koma, þar á meðal Denys Shmyhal, forsætisráðherra Úkraínu og nokkrir ráðherrar sem sjá um enduruppbyggingu, þar á meðal Yulia Svyrydenko efnahagsráðherra, Oleksandr Kubrakov innanríkisráðherra og þýski Galushchenko orkumálaráðherra. „
Eyddi 40 þúsund evrum á einum klukkutíma
Mikil umræða er á samfélagsmiðlum eftir að „áreiðanlegur afgreiðslumaður í verslun“ sem starfar á hinu glæsilega Avenue Montaigne greindi frá því, að Olena Zelenský hafi farið í jólainnkaupaleiðangur og eytt 40.000 evrum á einni klukkustund sem eru um 6 milljónir íslenskra króna. Áður tók franska forsetafrúin Bridget Macron á móti eiginkonu Zelenský forseta.
Ef fréttin er rétt, kemur fjársóun Olenu í hégóma og prjál á slæmum tíma, þar sem Volodymyr Zelenský, eiginmaður hennar og forseti Úkraínu, var í bónsferð til ESB um að veita meiri fjárhagslegan stuðningi við hið stríðshrjáða land.
Að auki er Biden-stjórnin að reyna að þrýsta á þingið að samþykkja annan 38 milljarða dollara útgjaldapakka fyrir Úkraínu sem kemur heildareyðslu Bandaríkjanna vel yfir 100 milljarða dollara. Eyðsla forsetafrúarinnar er ekki gott fordæmi og stingur í augun á fólki í Evrópu, sem er að velta því fyrir sér, hvernig það á að komast í gegnum veturinn með öllu því okri á mat og rafmagni sem látið er viðgangast.
