Fólk á Vesturlöndum býr í blekkingu um að það hafi frelsi. Í raun og veru hafa Bandaríkin undir stjórn demókrata breyst í eitthvað verra en menningarbyltingin var í kommúnista-Kína. Í dag eru Bandaríkin orðin „sú versta ef ekki alversta tegund“ kommúnista, að sögn Magnus Stenlund í nýlegu viðtali hjá Swebbtv (sjá myndband neðar á síðunni). „Við megum ekki einu sinni hugsa um ranga hluti“ segir Stenlund.
Her Rússa er „hakkavél“
Í nýjustu fréttagreiningu Swebbtv fjallar Magnus Stenlund meðal annars um Úkraínu, Rússland og Bandaríkin. Að sögn Stenlund hafa Rússar breytt her sínum í Úkraínu í hakkavél. Úkraínski herinn er kerfisbundið hakkaður niður. Sem er meiningin, því Rússar líta á hina Nató vinveittu stjórn í Kænugarði sem tilvistarógn við Rússland.
„Það eru Rússar sem ákveða hraðann í þessu. Af þeirra hálfu er verið að framkvæma vísvitandi hráan niðurskurð á úkraínsku stríðsmaskínunni. Málið er einfaldlega að gera hana skaðlausa fyrir komandi kynslóðir. Það er markmiðið. Þeir hafa neyðst til þess eða hafa dregið þá ályktun, að þetta sé það sem verði að gera. Undir engum kringumstæðum er ástæða til að treysta Vesturlöndum.“
„Þeir gera þetta ekki í neinu óðagoti og á skipulagðan hátt og alls ekki í leiftursókn sem gæti ráðið úrslitum fljótar í þessu stríði. En áður en það gerist mun úkraínska hernum útrýmt.“
Stærsta hættan ef eftirmaður Stoltenberg kemur frá Póllandi
Magnus Stenlund varar einnig við því hvað geti gerst þegar Jens Stoltenberg hættir sem yfirmaður NATO. Í versta falli tekur einhver frá Póllandi við.
„Við skulum hafa það á hreinu að í Póllandi er stemningin svo spennt um þessar mundir, að hún er handan raunveruleikans. Það er eins og einhver sagði: „Þetta er eins og Viktoria Nuland á sterum.“ Sem sagt manneskja sem skortir allt skynbragð á raunveruleikann. Í Póllandi má enginn mótmælt lengur, þegar sagt er að stríðinu verði að ljúka með algjörri útrýmingu Rússlands. Það er verið að tala um stærsta kjarnorkuveldi heims. Ef slíkur leiðtogi velst til Nató, þá má búast við því að gerðar verði ráðstafanir sem enginn ræður við og er ætlað að vekja upp einhvern draug, sem við viljum ekki. Þetta er því stærsta hættan núna.“
Bandaríkin eru gjörbreytt og stjórnin verri en Maó Tsetung
Á Vesturlöndum halda margir það enn, að Bandaríkin séu land frelsisins. En það er það ekki lengur. Það eru kommúnistar sem ráða ríkjum í Washington í dag. Kommúnistar af verstu gerð, bendir Stenlund á.
„Bandaríkin eru miklu verri en flestir halda. Ég hef alltaf verið mikill aðdáandi Bandaríkjanna og langaði allt mitt líf að verða hluti af ameríska draumnum. Mér finnst þetta frábær lífsspeki. En flestir Svíar þurfa að vakna upp af svefninum. Þetta eru ekki sömu Bandaríkin sem þau voru einu sinni. Þau eru gjörbreytt. Stjórnin sem er við völd núna eru kommúnistar af verstu gerð. Verstu, allraverstu gerð. Og það er aðeins tímaspursmál hvenær þeir bregðast við á sama hátt og gert var í Austur-Þýskalandi. Hugarfar þeirra er jafnvel verra en þegar Maó stjórnaði menningarbyltingunni. Við megum ekki einu sinni fá að hugsa um ranga hluti.“
Lausnin er hins vegar ekki sú að snúa sér til Rússlands eða Kína, heldur að bjarga okkur sjálfum, bendir hann á.
