Hinn svokallaði Covid-faraldur var meðhöndlaður hörmulega á grundvelli „pólitískrar lygar.“ Og af einhverjum ástæðum gerðist það ekki aðeins í einstökum löndum heldur út um allan heim. Þetta segir smitsjúkdómaprófessorinn Christian Perronne í samtali við Swebbtv (sjá neðst á síðunni). Samkvæmt Perronne hefði verið hægt að koma í veg fyrir 90% dauðsfalla í upphafi kórónaveirunnar ef þær meðferðir sem þegar voru til hefðu verið leyfðar í stað þess að banna þær.
Ekki sá heimsfaraldur sem fjölmiðlar básúnuðu út
Hinn þekkti franski smitsjúkdómprófessor, Christian Perronne, var nýlega í viðtali hjá Swebbtv. Hann er mjög gagnrýninn á hvernig heimurinn meðhöndlaði covid. Allt sem hægt var að gera rangt var gert rangt. Strax í upphafi, þ.e.a.s. við erfiðari veiruafbrigði, var dánartíðnin mjög lág, bendir hann á. Þetta staðfesti sænska lýðheilsueftirlitið snemma, sem gerði rannsókn á fólki sem veiktist á tímabilinu 21.–30. mars 2020. Dánartíðni undir 70 ára var 0,1 prósent.
„Þetta var ekki sá heimsfaraldur sem fjölmiðlar básúnuðu út á hverjum degi og sagði, að allir myndu deyja.“
Að sögn Perronne voru þegar til meðferðir eins og Ivermectin og hýdroxýklórókín, sem höfðu verið notaðar af „milljörðum“ manna. Þær voru því öruggar. En þær voru stöðvaðar og svartmálaðar, svo hægt væri að lýsa yfir neyðarástandi til að samþykkja hið svokallaða bóluefni.
„Til staðar var meðferð, sem allar ríkisstjórnir sögðu að ekki ætti að nota. Það kom mér mjög á óvart. Það hefði verið hægt að fylgjast með hundruðum manna í mismunandi löndum og eftir þrjá mánuði fengið staðfestingu á því að það virkaði. En það var ekki gert.“
Hægt hefði verið að koma í veg fyrir 90% dauðsfalla ef læknum hefði ekki verið bannað að nota þekktar meðferðir
90% dauðsfalla voru vegna þess, að læknum var ekki leyft að meðhöndla sjúklinga með þeim meðferðum sem voru til staðar. Í staðinn var byrjað að nota lyfið Remdesivir, sem er hættulegt líkamanum og dýrt.
„Hvers vegna sögðu allir sérfræðingarnir í mars 2020 að við værum með hið fullkomna lyf? Það virkaði ekki og það er mjög eitrað fyrir nýru og lifur. Þetta vitum við. Það hefur verið gefið út. Það er glæpsamlegt að mæla með því.“
Að loka skólum, þegar börn eru í mjög lítilli hættu gagnvart kórónuveirunni, er dæmi um hvernig heimurinn brjálaðist:
„Þess vegna tók ég blaðið frá munninum. Allt var gert vitlaust þegar í upphafi. Ég hef vitneskju um, hvernig á að höndla faraldur. Ég hef gert það áður. En ég var sakaður um að vera samsæriskenningasmiður og loddari af samstarfsmönnum, stjórnmálamönnum og blaðamönnum. En þeir réðust aldrei á mig með vísindalegum rökum. Vegna þess að þeir gátu það ekki.“
Eigum tafarlaust að stöðva allar covid-bólusetningar
Perronne hefur skrifað tvær bækur um covid. Ekki hefur heldur verið ráðist gegn þeim á vísindalegan hátt, segir hann.
„Þeir gætu aldrei ráðist á mig. Vegna þess að í annarri bókinni eru 60 blaðsíður af tilvísunum, sem sanna það sem ég segi.“
Samkvæmt Christian Perronne er „bóluefnið“ gegn covid ekki bóluefni. Þvert á móti eflir það veiruna fullyrðir hann. Bæði sars-cov-2 og bóluefnið innihalda eitrað gaddaprótein „sem örvar veiruna.“ Það má sjá, hvernig bóluefnið eykur sýkingu og gerir sjúkdóminn verri, jafnvel hvað varðar dauðsföll, útskýrir hann frekar.
„Við eigum að stöðva bólusetningarnar strax“ segir hann og bendir á að opinberlega skráðar aukaverkanir og dauðsföll af völdum bóluefnisins séu líklega einungis um 10% af raunverulegum fjölda.
„Það verða stórar tölur fyrir allan heiminn. Sagt var að hinir óbólusettu væru ástæðan fyrir því, að faraldurinn hélt áfram. Það er einmitt hið gagnstæða. Það eru hinir bólusettu, sem dreifa smiti og verða alvarlegustu sjúkdómstilfellin. Þetta var pólitísk lygi, ekki bara í einu landi heldur út um allan heim.“
Sjá má viðtalið í heild sinni á ensku á myndbandinu hér að neðan:
