Jamie Dimon, bandarískur vinstrisinnaður milljarðamæringur og yfirmaður bankarisans JP Morgan, skorar á stjórnvöld að hefja þvingandi eignarnám ríkisins á jörðum í einkaeigu svo byggja megi fleiri vindorkugarða og sólarrafhlöðuver.
Jamie Dimon er þekktur fjárstyrktaraðili demókrataflokksins í Bandaríkjunum og hann kemur með sósíalísku tillögu sína í árlegu bréfi til hluthafa. Fákeppnisauðjöfurinn á Wall Street biðlar til stjórnvalda að grípa til þeirra róttæku aðgerða að taka jarðir eignarnámi „til að ná loftslagsmarkmiðunum.“ Að sögn Jamie Dimon gæti orðið nauðsynlegt fyrir ríkið að taka yfir séreignir með valdbeitingu í formi eignaupptöku til að koma í veg fyrir að jörðin farist í því loftslagshelvíti sem Antónío Guterres aðalritari Sameinuðu Þjóðanna boðar. Hinn 67 ára gamli fákeppnisauðjöfur, Jamie Dimon, segir samkvæmt The Telegraph:
„Við gætum þurft að grípa til eignarnáms – við erum einfaldlega ekki að fá nægilega fjárfestingu nógu hratt fyrir net, sól, vind og leiðslur.“
Þessi umdeilda tillaga bankastjórans kemur, eftir að Iowa-ríki Bandaríkjanna samþykkti frumvarp á mánudag, sem miðar að því að vernda jarðareigendur frá eignarnámi fyrir kolaleiðslufyrirtæki.
