Júlíus Valsson skrifar:
Forstjóri Fenris Creations segir „einhyrninga” flýja sambandið tugum saman og að fyrsta ESB-fyrirtækið á lista yfir verðmætustu fyrirtæki heims sitji í tuttugasta sæti
Regluverk ESB er sökudólgurinn
Evrópusambandið er orðið afar fjandsamlegt umhverfi fyrir nýsköpunarfyrirtæki og ber íþyngjandi og flókið regluverk sambandsins er þar sökudólgurinn. Þetta kom fram í erindi Hilmars Veigars Péturssonar, forstjóra Fenris Creations, á opnum fundi Áfram Ísland í Grósku þ. 19. ágúst s.l. þar sem nýsköpun og fyrirtækjarekstur innan sambandsins voru í brennidepli.
Afleiðingarnar blasa við í tölunum. Á árunum 2008 til 2021 fluttu 41 svokallaður „einhyrningur” þ.e. nýsköpunarfyrirtæki metin á meira en milljarð dala, höfuðstöðvar sínar frá Evrópusambandinu, langflest til Bandaríkjanna. Þar vestra er regluumhverfið einfaldara, fjármagn aðgengilegra og vaxtarskilyrðin mun betri. Hilmar segir að allir séu í raun sammála um orsökina, hvort sem litið er til fyrirtækjanna sjálfra eða Draghi-skýrslunnar svonefndu: regluverk ESB stendur evrópskri nýsköpun fyrir þrifum.
„Ég kalla þetta regluverk, eins og bakverk,” sagði Hilmar í gamansömum tón.
Hlutur Evrópu skreppur saman
Hnignun evrópsks atvinnulífs á heimsvísu er hröð. Árið 2014 var Evrópusambandið stærsta hagkerfi heims, en þá var Bretland enn innanborðs. „Núna er ESB mun minna en Bandaríkin og miklu minna en Kína ef horft er til kaupmáttarleiðréttrar landsframleiðslu,” segir Hilmar í samtali við Morgunblaðið.
Sömu sögu er að segja af fyrirtækjunum. Árið 2007 voru 46 evrópsk fyrirtæki á lista yfir hundrað stærstu fyrirtæki heims en þau eru nú aðeins 16. Árið 2016 stóðu fyrirtæki innan ESB undir tæpum 20% af markaðsvirði hundrað verðmætustu fyrirtækja heims; sú tala er komin niður í 8%.
Hilmar benti jafnframt á verðmætasköpun á hverja vinnustund, þar sem tillit er tekið til atriða á borð við styttingu vinnuvikunnar og óvirkni starfsmanna. „Þar er ESB í 7%, Ísland í 12% og Bandaríkin í 18%, sem er nú ansi mikill munur og sýnir hvað ESB er þarna langt á eftir.”
Fjármagnið talar sínu máli. Evrópsk heimili fjárfesta árlega fyrir um 300 milljarða evra utan sambandsins, mest í Bandaríkjunum, og hið sama gildir um íslensku lífeyrissjóðina, en langstærstur hluti erlendra fjárfestinga þeirra rennur til amerískrar nýsköpunar. „Það trúir í rauninni enginn á Evrópu, í það minnsta ekki nægilega mikið til að fjárfesta fyrir peningana sína þar,” segir Hilmar. Íslendingar trúa ekki lengur á fjárfestingar í ESB.
Öflugasta tæknifyrirtæki ESB kvartar undan skrifræðinu
Ekkert fyrirtæki innan Evrópusambandsins kemst á lista yfir tíu stærstu fyrirtæki heims. Efst evrópskra fyrirtækja situr hollenski tæknirisinn ASML í tuttugasta sæti. ASML framleiðir háþróaðar vélar til ljósprentunar á örflögum, sem eru ómissandi við framleiðslu fullkomnustu örgjörva heims, og situr fyrirtækið nánast eitt að þeirri tækni.
En jafnvel þessu flaggskipi evrópskrar hátækni líður illa heima fyrir. Forstjóri ASML biðlaði nú í sumar til Evrópusambandsins um að draga úr miðstýringu og skrifræði. „Honum líður ekki vel í ESB,” segir Hilmar.
„Athyglisbrestur” að kíkja í pakkann
Hilmar telur að þjóðaratkvæðagreiðslan 29. ágúst um framhald aðildarviðræðna við ESB standi tæpt og geti fallið á hvorn veginn sem er. Hann er mjög ósammála því að hægt sé að „kíkja í einhvern pakka og það kosti ekki neitt”.
„Það kosti nefnilega mikla einbeitingu og athygli og reynsla mín af fyrirtækjarekstri er sú að maður á að sýna því athygli sem skiptir máli og akkúrat núna eigum við öll að einbeita okkur að verðmætasköpun og að auka aftur hagvöxtinn,” segir Hilmar og bætir við að hagvöxturinn hér á landi sé einnig að minnka og að grípa þurfi strax til aðgerða og nýta styrkinn sem þá myndast til að ná niður verðbólgu og vöxtum.
Að „kíkja í pakkann“ núna sé því fátt annað en athyglisbrestur.
Viðbót höfundar:
Verðbólga hækkar ekki vexti. Verðbólgan eykst hins hins vegna óráðsíu í ríkisfjármálum þegar ríkið prentar peninga og sóar þeim í óarðbær verkefni svo sem stríðsrekstur og önnur ónauðsynleg útgjöld svo sem „kolefnisgjöld“ til ESB o.fl. Einnig kosta útgjöld vegna „útlendingarmála okkur hundruðir milljarða á nokkrum árum.
Segjum því NEI þ. 29. ágúst og losum okkur við vanhæfa ríkisstjórn og ESB-martröðina í eitt skiptið fyrir öll!
Heimildir:
Mbl.is
The Motley Fool Stock Advisor