Rússar munu líta á sendingar Vesturlanda á F16-herþotum til Úkraínu sem kjarnorkuógn. Þetta segir Sergey Lavrov, utanríkisráðherra Rússlands, í samtali við rússneska fjölmiðilinn Lenta.
Segey Lavrov, utanríkisráðherra Rússlands, segir við Lenta.ru:
„Áform vestrænna ríkja um að auka enn frekar umboðsstríðið í Úkraínu með því að senda F16 flugvélar til stjórnvalda í Kænugarði eru afar hættuleg þróun.“
Rússland mun líta á flugvélina, sem getur borið kjarnorkuvopn, sem kjarnorkuógn. Það mun auka hættuna á beinum hernaðarátökum á milli Nató og Rússlands sem gæti haft skelfilegar afleiðingar. Lavrov segir:
„Sú staðreynd að slík kerfi birtast í her Úkraínu er af okkar hálfu álitin vera ógn frá Vesturlöndum á sviði kjarnorkuvopna. Við höfum tilkynnt kjarnorkuveldunum – Bandaríkjunum, Bretlandi og Frakklandi – að Rússland geti ekki hunsað getu þessara flugvéla til að bera kjarnorkuvopn. Engar tryggingar munu hjálpa hér.“
