Bandaríkin og Úkraína eru að undirbúa „falsfánaárás“ með efnahernaði í átökum glóbalista við Rússland. Fullyrðingin kemur frá rússneski hernum.
Úkraínu gengur ekki svo vel í stríðinu núna gegn Rússlandi. Rússneskir hermenn eru smám saman að umkringja hina mikilvægu borg Bachmut, að sögn CNBC. Fréttastöðin skrifar:
„Á mánudaginn hélt embættismaður því fram að rússneskar hersveitir stjórni nú öllum vegum inn í Bachmut og stöðvi birgðir af skotfærum og herafla til borgarinnar.“
Sænska Expressen skrifar þriðjudag:
„Úkraínsku sveitirnar í kringum Bachmut eiga sífellt erfiðara um vik.“
Telja að falsfánaárás muni heppnast þar sem engin rannsókn á slíkum atburði muni fara fram
Samtímis heldur rússneski herinn því fram, að Bandaríkin undirbúi núna „falsfánaárás“ með efnahernaði í Úkraínu. Síðan á að kenna Rússum um árásina. Að sögn Igor Kirillov, yfirmanns efna- og sýklavarna Rússlands, þá er það mat Bandaríkjanna, að alþjóðasamfélagið muni ekki gera neina almennilega rannsókn á slíkum atburði og þess vegna muni slík árás heppnast.
Rússneska varnarmálaráðuneytið segist hafa fengið upplýsingar um að lest hlaðin eiturefnum hafi komið til Kramatorsk 10. febrúar. Í bíl í lestinni eru sagðir hafa verið 16 kassar af bönnuðum eiturefnum, þar á meðal klórbensýlidenmalónónítríl. Efnin eru sögð hafa verið losuð í málmvinnslustöð sem er undir stjórn öryggisþjónustu Úkraínu, SBU. Einnig er sagt, að Nató hafi skipulagt stóra sendingu af efnavörnum til Úkraínu, þar á meðal hundruð tegunda móteiturs gegn ýmsum gerðum eiturefna. Igor Kirillov segir:
„Staðreyndin um samtímis afhendingu eiturefna og aðferða til að verjast þeim benda til tilraunar til að framkvæma stórfelldar ögranir með BZ-eiturgasi, sem er hernaðarlega geðvirkt eiturefni.“
Um 7 000 úkraínskir hermenn lokaðir inni í Bakhmut og geta bara valið milli uppgjafar og dauða
Í tístunum tveimur hér að neðan má lesa ummæli Elon Musk um að Rússar séu næstum búnir að umkringja Bakhmut og að um 7 þúsund úkraínskir hermenn séu innilokaðir þar.
