Læknar, hjúkrunarfræðingar og fleiri safnast saman til að reyna að stöðva fyrirhuguð heimsfaraldurslög WHO og alþjóða heilbrigðisreglur. Exitwho.se heitir vefsíða, þar sem hægt er að lesa meira um áform hnattræningjanna og skrifa undir áskorun um að stöðva WHO. Segir á heimasíðunni að „sjálfsákvörðunarréttur Svíþjóðar mun hverfa ef WHO fær að verða yfirþjóðleg löggjafarstofnun með friðhelgan ákvörðunarrétt eins og nú er lagt til.“
Hreyfing sem kallar sig „Yfirgefum WHO fylkingin“ – Exit WHO Network hefur hafið ákall um að Svíþjóð segi sig úr Alþjóðaheilbrigðismálastofnuninni WHO, sem er fjármögnuð af Bill Gates. Heimasíðan er Exitwho.se
Nauðsynlegt að yfirgefa WHO áður en það verður of seint
Aðstandendur ákallsins segja nauðsynlegt, að Svíþjóð yfirgefi WHO áður en það verður um seinan, vegna nýrra alþjóðlegra heilbrigðisreglugerða Alþjóðaheilbrigðismálastofnunarinnar og heimsfaraldurslaga, sem hefðbundnir fjölmiðlar reyna að þegja í hel. Hópurinn skrifar á vefsíðu sinni:
„Haustið 2023 stefnir Svíþjóð fullveldi sínu varðandi lýðheilsu í hættu, ef við leyfum WHO að verða yfirþjóðleg löggjafarstofnun með friðhelga ákvarðanatöku. Alþjóðaheilbrigðismálastofnunin WHO, leggur til umfangsmiklar breytingar á grundvallarlögum stofnunarinnar, alþjóða heilbrigðisreglugerðum, IHR – International Health Regulation. Breytingarnar þýða í reynd, að WHO verður löggjafarstofnun í stað þess að vera ráðgefandi aðili. Ef aðildarríkin eru ekki á móti breytingunum þýðir það að WHO öðlast lagalega bindandi völd yfir Svíþjóð og íbúum Svíþjóðar sem og öðrum aðildarríkjum komi til heilbrigðiskreppu sem WHO lýsir yfir.“
Mikil mótmæli fyrirhuguð 1. október í haust
Þann 1. október skipuleggur hreyfingin mikil mótmæli gegn heimsfaraldurssáttmála WHO og fyrirhuguðum nýjum völdum. Margir hópar til dæmis Læknaákallið styðja Exit WHO. Læknirinn Sven Roman segir í yfirlýsingu:
„Ár 2000 voru lyfjarisarnir teknir með í WHO, nokkrum árum síðar Bill Gates og árið 2009 var krafan um háa dánartíðni í heimsfaraldri fjarlægð. Þar með má flokka hverja einustu flensu sem heimsfaraldur. Í dag er WHO í rauninni orðið alþjóðlegt fyrirtæki undir forystu Bill Gates með 194 löndum sem eru talin undirverktakar fyrirtækjaveldis hans. Gagnsæi hjá WHO er í lágmarki. Það væri beinlínis hrikalegt fyrir siðmenningu okkar ef fyrirhuguð stækkun á umboði WHO verður framkvæmt.“
Svíþjóð hefði neyðst til að loka
Læknaákallið skrifar í innleggi á Twitter (sjá að neðan):
„Á þremur dögum hefur ákall Svíþjóðar gegn Alþjóðaheilbrigðismálastofnuninni um að leiða meðhöndlun heimsfaraldra fengið yfir 1.000 undirskriftir. Ef tillagan hefði verið samþykkt 2019, þá hefðum við neyðst til að koma á lokunum. Stefna Svíþjóðar með opið samfélag var lang farsælust.“
Þegar þetta er skrifað hafa yfir 2.000 manns skrifað undir áskorunina. Skrifa má undir hér.
