Margir munu veiru elta.
Zeta, eta, theta, jóta.
Færri munu frelsis njóta.
Kappa, lambda, mý og ný.
Covid ekki fer í frí.
Xí, omikron, pí og rhó.
Ríkur verð ég, hí og hó.
Hinn beinskeytti Paul Craig Roberts skrifar á freewestmedia um verndarhópinn kringum Dr. Fauci, sem lyfjarisarnir hafa skipulagt svo hann komist hjá að sæta ábyrgð á lygum fyrir Bandaríkjaþingi og fjármálatengslum við lyfjarisana. Útvarp Saga birtir hér í lausri þýðingu mestan hluta greinarinnar.
„Fauci er í erfiðleikum af ýmsum ástæðum, þ.á.m. hagsmunaárekstrum sínum við lyfjarisana. Hann hefur fjárhagslegt samband við fyrirtæki, sem hann samþykkir að kaupa vörur af. En stóru vandræði hans um þessar mundir eru þau, að hann laug að þinginu, þegar hann neitaði að hafa fjármagnað rannsóknir til að þróa Covid veiruna áfram. Skýrslur Lýðheilsunnar sýna, að hann fjármagnaði rannsóknir á því, hvernig gera mætti Covid veiru meira smitandi, við Háskólann í North Carolina og á rannsóknarstofunni í Wuhan.
Reynir að fela sig á bak við þriðja aðila en gögnin sýna að bæði Fauci og Lýðheilsan vissu um að peningarnir voru notaðir til rannsókna að gera covid-veiruna enn hættulegri
Þegar Fauci neitar að hafa fjármagnað rannsóknirnar í Wuhan, þá reynir hann að fela sig á bak við þriðja aðila, EcoHealth Alliance, sem flutti peningana til Wuhan. Fauci fullyrðir, að hann hafi fjármagnað EcoHealth Alliance, en gögnin benda til þess, að Fauci og Lýðheilsan vissu hvert peningarnir fóru og til hvers þeir voru notaðir. Þjóðarútvarp Bandaríkjanna og óabyrgir fjölmiðlar hafa gert sitt besta til að hylma yfir með Fauci en gögnin tala sínu máli. Bandaríski öldungadeildarþingmaðurinn Rand Paul hefur sagt, að hann muni kæra Fauci til bandaríska dómsmálaráðuneytisins, þar sem það er glæpur að ljúga í vitnisburði fyrir þinginu.“
Ég veit ekki hvers vegna öldungadeildarþingmaðurinn Paul eyðir tíma í að senda slíka kæru. Annað eins spillt ráðuneyti og dómsmálaráðuneyti (sic) Bidens er, mun ekki kæra þá hetju demókrata sem Fauci er. Dómsmálaráðuneyti Bidens er of upptekið við að skipuleggja falskar ákærur á hendur stuðningsmanna Trumps vegna 6. janúar sem „uppreisnarsinna“ og „innlendra öfgamanna“. Og ráðuneytið er of upptekið við að reyna að koma í veg fyrir að löggjafinn loki þeim leiðum, sem gerðu demókrötum kleyft að stela kosningunum 2020.
Demókratar ekki eins sniðugir og þeir halda
Samkvæmt stuðningshópi Faucis …þá er það öldungadeildarþingmaðurinn Paul, sem lýgur um Fauci og það sé ekki neitt mál í gangi gegn Fauci. Hvers vegna eru þá öll þessi læti um að skrifa undir áskoranir til að hindra rannsókn á Fauci? Verndarteymi Faucis er á miklu bóluflugi. Ásökun öldungadeildarþingmannsins um að Fauci hafi logið fyrir þinginu, hefur verið blásin upp í að verið sé að nota fé „skattgreiðenda til að ýta undir þá samsæriskenningu, að læknirinn Anthony Fauci hafi búið til Covid-19 í samvinnu við kínverska kommúnistaflokkinn. Við erum hvött til að standa með doktor Fauci og fjölskyldu hans gegn stöðugum morðhótunum og hótunum repúblikana um að varpa Fauci í fangelsi.“
Ég kaupi ekkert af þessu. Fauci er vissulega ekki í neinni hættu af hálfu dómsmálaráðuneytisins. Mér sýnist að öldungadeildarþingmaðurinn Paul stilli sér í staðinn upp til að tapa málinu. Maður myndi halda, að Fauci – hvort sem hann er sekur eða saklaus – myndi stuðla að rannsókn á málum sínum í höndum hins spillta dómsmálaráðuneytis, vel meðvitaður um, að ákæran verður ógild og síðan væri hægt að snúa henni gegn nornaveiði repúblikana til að skaða hetjuna, sem bjargaði okkur frá Covid. Kannski eru demókratar ekki eins kænir og þeir halda.“
