Fulltrúardeildarþingkonan Nancy Mace, repúblikani, var í morgunverðarþætti Fox s.l. föstudag og greindi þá frá því, að aðrir einstaklingar í Biden-fjölskyldunni tækju þátt í glæpastarfsemi. Mace sagði að verið væri að rannsaka fjölda skeljafyrirtækja og hvað meðlimir Biden-fjölskyldunnar fengju borgað fyrir. Starfsmaður skattsins, sem ekki vill láta nafn síns getið, hefur látið í té gögn um gróft fjármálasvindl fjölskyldunnar. Svo virðist sem Joe Biden og fjölskylda hans hafi verið að selja bandarísku þjóðina í áratugi og notið til þess sérstakrar aðstoðar skattayfirvalda.
Nancy Mace sagði (sjá myndband neðar á síðunni):
„Þessi uppljóstrari skattsins „Internal Revenue Servide“ IRS leggur allt í sölurnar til að veita bandarísku þjóðinni þessar upplýsingar. Það ætti að rannsaka þetta að fullu samkvæmt lögum. Vinstrimenn segja að enginn sé hafinn yfir lögin, þá á bandaríska þjóðin rétt á því að látið sé reyna á það, hvort sem um er að ræða núverandi eða fyrrverandi forseta eða fjölskyldur þeirra. Þetta mál á að rannsaka og við þurfum frekari upplýsingar.“
Stjarnfræðilegar upphæðir
„Við skoðuðum aðeins SARS skýrslurnar (skýrslur um grunsamlegar athafnir) vegna tveggja Biden fjölskyldumeðlima. Það er verið að rannsaka fleiri meðlimi fjölskyldunnar líka. Við fundum fleiri Biden fjölskyldumeðlimi sem voru viðriðin málið, fleiri skeljafyrirtæki, þar sem uppspretta fjármuna voru ókunnir, ekki vitað hvert peningarnir fóru eða hvers vegna þeir voru greiddir og tölurnar eru stjarnfræðilega háar. Ég meina, þetta er gríðarlegt hneyksli. Ég er mikið til miðju í stjórnmálum. Stundum er ég hægra megin við miðju, stundum vinstra megin við miðju, það fer eftir málunum. Ég sá þetta með eigin augum. Þetta er engin samsæriskenning.“
