Stafrænn seðlabankagjaldmiðill – í Svíþjóð svo kölluð „e-króna“ og á alþjóðavettvangi sem Central Bank Digital Currency CBDC – er lýst sem greiðslukerfi framtíðarinnar með fjálglegri sölumennsku um hversu „þægilegur“ slíkur gjaldmiðill á að vera fyrir jarðarbúa. Í framkvæmd þýðir kerfið alræðisstjórn lítillar klíku peningamanna í heiminum, glóbalistanna, yfir efnahag jarðarbúa og afnemur einstaklingsfrelsið og möguleika fyrir einstaklinga að „vinna sig upp“ nema með samþykki glóbalistanna. Aðskilnaðarstefna bólupassans verður eins og mannréttindi til samanburðar.
Frá árinu 2017 hefur Seðlabanki Svíþjóðar verið með verkefni að innleiða sænska útgáfu af svokölluðum stafrænum seðlabankagjaldmiðli: rafkrónu. Talað er um „stafræna viðbót við reiðufé“ eins og útskýrt er í einu af mörgum myndböndum áróðursmanna glóbalismans. Sagt er að þessi byltingarkennda lausn þýði lykilinn að frelsi frá eftirliti stjórnvalda. Í framkvæmd verður raunveruleikinn alfarið hið gagnstæða.
Með rafkrónu getur ríkið stjórnað viðskiptamöguleikum einstaklingsins
Grundvallarmunur er á rafkrónu og peningum á venjulegum bankareikningum. Seðlabankinn annast bókhald og gefur út rafkrónur líkt og reiðufé – en ekki einkareknir viðskiptabankar. Það hljómar í fyrstu nokkuð lofandi í ljósi þeirra óverðskulduðu forréttinda sem viðskiptabankar hafa að vera með fyrirtæki, þar sem þeir búa sjálfir til peningana upp úr þurru og lána síðan út gegn vöxtum. Vandamálið er hins vegar, að nútíma stafrænir innviðir, sem eru að baki rafkrónunni, veitir þeim sem stjórnar kerfinu töluvert víðtækari stjórn og eftirlit á viðskiptum notandans en hægt er í dag.
Seðlabankinn útskýrir til dæmis, hvernig hægt er að hlaða rafkrónum inn á kort eins og venjulegt greiðslukort en í reynd mun nýju peningarnir líklegast fyrst og fremst finnast í appi í farsímanum. Með þessu kerfi mun ríkið fá fullan sýnileika í viðskiptasögu borgaranna í gegnum Seðlabankann og mun að auki hafa möguleikann á að kynna viðmið sem takmarka í rauntíma möguleika einstaklinga til frjálsra viðskipta.
WEF lagði upp stafrænu stefnuna ár 2016
Árið 2016 birti World Economic Forum, í samvinnu við alþjóðlega bókhaldsrisann Deloitte, skýrsluna „A Blueprint for Digital Identity – The Role of Financial Institutions in Building Digital Identity“ (sjá pdf neðar á síðunni). Það er ljóst af fyrirsögninni að það eru í raun ekki peningar sem eru miðlægir í samhenginu, heldur hin „stafræna sjálfsmynd.“ Ef þú lest lengra er því lýst yfir, að með hjálp nútímatækni getum við og eigum að einfalda daglegt líf, þar sem skortur á miðstýrðri stafrænni sjálfsmynd er „flöskuháls“ – ekki aðeins fyrir fjármálageirann heldur fyrir samfélagið í heild.
Annað dæmi er að hægt verður að kaupa áfengi í ÁTVR án þess að þurfa að sýna skilríki, því kerfið fær vitneskju um aldur viðskiptavinarins í greiðsluaugnablikinu og samþykkir eða hafnar kaupunum sjálfkrafa – án nokkurra mannlegra afskipta. Önnur möguleg dæmi gætu verið lánsumsóknir, undirritun samninga t.d. leigusamninga, kaup á Internet, ferðalög og svo framvegis. Það eina sem við þurfum að gera til að geta notið allra þessara „æskilegu þæginda“ er að tengja einstaklingsvitund okkar við stafræn auðkenni – og seðlabankinn og aðrar ríkisstofnanir hafa eftirlit með öllu sem við gerum og geta brugðist við í rauntíma. Það þarf engan Sherolock Holmes til að skilja hvílík völd þetta færir stjórnendum stafrænu tækninnar yfir lífi einstaklingsins og í fyrsta sinn sem leið til slíkrar stjórnunar í þvílíkum mæli er möguleg.
Seðlabanki seðlabankanna æstur í að taka upp stafrænan gjaldmiðil í heiminum
Ríkisbankinn gæti til dæmis sett takmarkanir á hversu mikið eldsneyti einstakur borgari má kaupa á tilteknu tímabili, til dæmis með vísan til loftslagsstefnu. Meðan á heimsfaraldri stendur gæti ríkið ákveðið hversu langt frá heimili þínu þú mátt versla vörur og þjónustu og ef þú hefur ekki fengið lögboðnar sprautur, þá væri hægt að loka fyrir verslunarmöguleika þína.
„Í ljósi þess grundvallarhlutverks sem peningar gegna í daglegu lífi okkar, þá er það einungis ímyndunaraflið sem setur takmörkin fyrir því, hvernig hægt verður að beita þessu stjórntæki.“
Með áberandi hlutverki seðlabanka kemur varla á óvart að alþjóðlegur eftirlitsbanki seðlabanka heimsins „Bank for International Settlements in Switzerland“ BIS, sé einn mikilvægasti frumkvöðull að þróuninni í kringum stafrænan gjaldmiðil seðlabanka og stafræn auðkenni. Kerfinu hefur verið lýst af breskum blaðamanni með myndrænum hætti á myndbandinu hér að neðan:
Sænski seðlabankinn skrifar, að frá árinu 2020 hafi rafkrónuverkefnið farið í undirbúning framkvæmdaáfanga og verið sé að þróa tæknilegan vettvang fyrir rafkrónuna ásamt Dyflinnartæknirisanum Accenture. John Velissarios, forstjóri Accenture tilkynnti í maí 2021, að „við erum aðeins nokkur ár frá því að hleypa stafrænum seðlabankagjaldmiðli af stokkunum á mörgum mörkuðum.“ Í augnablikinu lítur út fyrir, að annaðhvort Svíþjóð eða Rússland verði fyrst í Evrópu til að innleiða kerfið, og eru ásamt Úkraínu þau lönd sem hafa þegar hafið prófanir með rafmynt. Jamaíka er meðal annarra smærri eyjaþjóða í Karabíska hafinu sem þegar eru tæknilega undirbúnir fyrir stafrænan gjaldmiðil.
Kommúnistastjórnir eins og í Kína hafa séð hag sinn í alræðiseftirliti og stjórn á meðborgurunum og núna fylgja Vesturlönd á eftir. Kórónufaraldurinn hefur sýnt að mannréttindi eru ekki lengur hátt skrifuð á Vesturlöndum og í dag meira eða minna tóm orð á blaði. Með innleiðingu stafræns gjaldmiðils mun ríkið fá fullkomið eftirlit með einstaklingnum og einstaklingsfrelsið tilheyra sögunni.
