Er það borin von að vitiborið fólk sitji Alþingi? Það er komið nóg af allri vitleysunni. Katrín Jakobsdóttir, þú þarft að segja embætti þínu lausu, þú varst aldrei kosin í þetta embætti. Hér er allt í rúst undir þinni óstjórn. Landið er selt og gefið, við hvern veittan ríkisborgararétt er verið að gefa land.
Hvar í heiminum deila þjóðir út ríkisborgararétti eins og Alþingi Íslendinga gerir? Hvergi. Það passa allar þjóðir upp á hverjum þeir veita réttindi þjóðar sinnar. Hér þurfa umsækjendur hvorki að hafa komið til landsins, ekki tala mál þjóðarinnar né þekkja sögu þjóðar. Hvað með sakavottorð?
Mætti segja mér að þið á þingi vitið ekkert um líf og atgervi þeirra sem þið fúslega veitið íslensk réttindi. Er ykkur ljós ábyrgðin sem þið takið á þessu fólki? Já, Katrín, ég hef sagt það áður, þér gengur vel með að múslimavæða land og þjóð og eyðileggja það sem íslenskt er. Svo ekki sé nú minnst á misnotkun þína og Þórdísar Reykfjörð á fjármunum landsmanna sem þið deilið glaðbeittar til annarra þjóða, duglegar að byggja upp innviði annarra ríkja, bara alls ekki byggja upp fyrir eigin þjóð. Hvaða stjórnandi gerir þjóð sína fátæka því að hjálpa skal öðrum þjóðum?
Þú, Katrín, ferð ekki svo um heiminn að þú lofir ekki milljónum, milljörðum, til annarra landa, þér og Þórdísi var ekki veitt leyfi til að gera Ísland að félagsmálastofnun fyrir alheiminn.
Hér á landi eru kannski 195 þúsund vinnandi hendur sem eru misnotaðar til að standa undir bullinu í ykkur. Hættu svo þessari loftslagslygi, Katrín, þú eltir auðmenn hjá SP sem standa ekki undir rekstri sínum svo auðvitað var fundin leið til að hafa fé af þjóðum heims. SÞ notar sér auð- trúa og óhæfa stjórnmálamenn til að hala inn fé. Af hverju er aldrei talað um hvaða áhrif eru á loftslag vegna uppröðunar himintungla? Möndull jarðar hefur færst úr stað, saga jarðar sem hefur hitnað og kólnað á víxl sér til hjálpar, en svör við þessu gefa kannski ekki af sér fé.
Fjölmenning, sem Alþingi og þú, Katrín, dásamið hefur hvergi gengið vel, að sjálfsögðu ekki, þar sem togast er á um sína siði og venjur. Eitt er víst að íslenska lögreglan mun ekki ráða við suðupottinn Ísland þegar fram í sækir. Af hverju eru íslensk menning og siðir svo lágt skrifaðir af Alþingi, þér Katrín, og háskólum landsins?
Hvað varðar Alþingi, þá eru þar nú aldeilis skrípalæti, frammíköll, skvaldur og hlátur, pískur og hávaði og lengi þarf að hringja þingbjöllu til að kalla til atkvæðagreiðslu. Mjög oft þarf að endurtaka atkvæða- greiðslurnar, 63 þingmenn, 47 plús fimm sitja hjá og frumvarp samþykkt. Hvar er restin af þingmönnunum? Áberandi er hversu oft það eru varaþingmenn á vegum Pírata, hafa þeir ekki tíma til að mæta til þings?
Fækkið þingmönnum í 33 og segið upp stórum hluta lögfræðinga og embættismanna. Fækkið þingmönnum í 33 og segið upp stórum hluta lögfræðinga og embættismanna. Það er aldeilis búið að fjölga aðstoðar- mönnum í ráðuneytum, og verst er að sótt er fólk sem þjóðin kaus af þingi sem nú vermir sæti ráðu- neyta og þannig heldur langavitleysan sífellt áfram. Ekkert nýtt þar. Fundin eru störf fyrir stóran hóp óhæfra einstaklinga.
Ert þú, Katrín, að segja þjóðum heims sannleikann um Ísland í þínum kossa og blaðursferðum? Þú t.d. eignar þér baráttu kvenna. En hefur þú sagt að með lögum sem þú settir til hjálpar framgangi kvenna, sem í mínum huga er misrétti og ofbeldi, hafir þú rutt brautina fyrir nútímakonur. Hefur þú leiðrétt þær þjóðir sem tala og segja að Ísland sé meðal ríkustu þjóða heims, en við séum í raun gjaldþrota, eða þarftu endalaust að gera þig stærri en þú ert?
Undir þinni óstjórn eru erlend stórfyrirtæki og auðmenn að eignast hér allt og nú skal opna hér vindmyllugarða fyrir er- lend stórfyrirtæki og auðmenn. Endilega gera þetta fallega land að ruslakistu og nú skal logið að þjóðinni að í raun sé hér orkuskortur, í stað þess að fara betur með raforkuna.
Á ég að bera virðingu fyrir þér, Katrín, og Alþingi? Nei, aldeilis ekki, ég vil sópa ykkur öllum af þingi og sækja fólk sem vinnur grunnstörfin og ber meiri skilning á lífið, elskar og virðir sitt land og siði, sem stendur með sinni þjóð. Þá kannski fara aðrar þjóðir að bera virðingu fyrir okkur en ekki misnota.
Má ég svo biðja Þórdísi og þig, Katrín, að hlífa mér við klisjuorð- um ykkar þegar bjátar á: „Ó, við erum öll í þessu saman og verðum að standa saman.“ Þess á milli hlustið þið ekki á þjóðina, þá erum við sundur eða hvað.
Vona svo að þingheimur hafi nóg til matar á jólum.
Höfundur býr á Sauðárkróki.
