Baráttumaðurinn Steve Bannon vill eins og svo margir Bandaríkjamenn, að lýðræði ríki og einstaklingsfrelsi. Því er verulega áfátt og fer hríðversnandi undir stjórn Joe Biden sem vinnur að markmiðum glóbalismans um yfirráðin í heiminum og er á leiðinni með heiminn út í þriðju heimsstyrjöldina. Steve Bannaon segir Donald Trump vera leiðtoga mestu stjórnmálahreyfingar í sögu Bandaríkjanna (sjá myndband neðar á síðunni).
Steve Bannon hóf ræðu sína með því að segja að hann óskaði eftir því að geta sagt, að það sé kreppa í uppsiglingu en það sé ekki raunin:„Stormurinn er þegar hér.“
„Þetta er hættulegasti tími heimssögunnar síðan seint á þriðja áratugnum, snemma árs 1940. Hvernig komumst við hingað? ….Við höfum tvær kreppur sem renna saman, kreppu á fjármálamörkuðum og í efnahagsmálum og alþjóða og hernaðarlega kreppu. Þær renna saman mjög hratt og munu blandast saman og þegar gerist munu þær fara úr böndunum.“
Himinháar skuldir ríkissjóðs og drepandi vaxtagreiðslur
Bannon ræddi skuldastöðu ríkissjóðs og vaxandi vaxtarbyrði á Bandaríkjamönnum:
– „Kerfið getur ekki borið slíka vexti. Fólk verður molað niður. Þeir sem fara verst út úr þessu eru aldamótakynslóðin sem hefur núna 9 trilljón dollara skuldir. Hún verður að rússneskum þjónum. Hún verður eignalaus með enga möguleika á að geta átt neitt.“
– „Dr. Doom, sem varaði við árið 2008, sagði að þetta myndi bara versna vegna þess að heimurinn skuldi 300 trilljónir dollara. Nú skulum við tala um Bandaríkin, ekki satt? Hvað höfum við? 32 trilljónir dollara. Það er ekkert. CBO segir að við fáum 20 trilljóna dollara skuld til viðbótar eftir tíu ár. Við munum borga trilljón dollara á ári í vaxtagreiðslur.“
Verið að afhenda Zelenskí utanríkisstefnu Bandaríkjanna
Bannon ræddi einnig stöðuna í heimsmálunum og nefndi m.a. að bandamenn Bandaríkjanna í Sádi-Arabíu væru að flytja olíuviðskiptin yfir í kínverskan gjaldmiðil frá Bandaríkjadal:
– „Hvað erum við að gera? Við erum að afhenda Zelensky utanríkisstefnu okkar til að láta hann ákveða hvort hann eigi að taka Krím eða ekki. Hvar er Merrick Garland í dag? Er Merrick Garland hjá dómsmálaráðuneytinu til að reyna að handtaka alla einstaklinga í innrás kínverska kommúnistaflokksins hér á landi?… Hann er í Úkraínu.“
– „Samruni þessara tveggja kreppu mun leiða okkur inn í þriðju heimsstyrjöldina. Þriðju heimsstyrjöld sem mun ekki aðeins eyða efnahagslega og fjárhagslega grundvelli almennings í landinu, það sem meira er, synir okkar og dætur munu deyja á erlendum vígvöllum. Ertuð þið tilbúinn í það? Styðjið þið það? Ég heyri ekki í ykkur…Styðjið þið það eða ekki?“
Áheyrendur mótmæltu kröftuglega og sýndu skýrt andstöðu sína við stríð glóbalistanna í Úkraínu.
Verið að greiða lífeyri næstu kynslóðar til Úkraínu
Steve Bannon segir skuldir Bandaríkjamanna komnar úr böndum og það verði að skera þær niður. Hann gagnrýnir harðlega peningasendingar til Úkraínu og segir greiðslurnar vera skattar Bandaríkjamanna, lífeyris- og tryggingafé sem tekið verði af komandi kynslóðum. „Ég vil sjá alvöru niðurskurð.“
„Við erum að gefa 200 milljarða dollara til Úkraínu. Við erum að borga lífeyri þeirra. Við erum að borga heilbrigðisþjónustu þeirra. Fólks undir 35 ára. Höfum við lífeyri sem ríkið borgar núna? Við höfum það ekki. Njótum við fullkominnar heilbrigðisþjónustu? Við fáum hana ekki. Við erum að undirgangast tryggingu sem Evrópa mun ekki tryggja.“
– „Ég á alls ekki í neinum vandræðum ef úkraínska þjóðin vill berjast í slavnesku stríði vegna rússneskumælandi austurlandamæra Úkraínu og ef hún vill taka Krím aftur, Guð blessi þá og Evrópubúar ætla að borga fyrir það. Við höfum borgað nóg í stríðum í Evrópu. Við erum ekki evrópskt stórveldi. Við erum Kyrrahafsveldi.“
Glóbalistarnir hata Trump því hann er rödd almennings
Biden ræddi um útskúfun glóbalistanna á Donald Trump sem hélt friðinn þau fjögur ár sem hann var í Hvíta húsinu.
– „Þess vegna hata þeir hann….Þeir hata hann ekki vegna þess að hann er Trump. Þeir hata hann vegna þess að hann er fulltrúi ykkar. Hann er röddin ykkar og víkur aldrei….Trump er ekki bara leiðtogi stjórnmálaflokks. Hann er ekki stjórnmálamaður. Hann er leiðtogi öflugustu stjórnmálahreyfingar í sögu Bandaríkjanna. Donald Trump mun vinna forkosningarnar og Donald Trump mun vinna forsetaembættið.“
Hér að neðan má hlýða á ræðu Steve Bannon, fyrst úrdrætti á tveimur myndbútum og síðan myndband með ræðunni í heild:
