Sameinuðu þjóðirnar (SÞ) eru engir sérstakir velunnarar tjáningarfrelsis og ein af áætlunum þeirra um að „takast á við rangar upplýsingar, falsupplýsingar, hatursorðræðu og fordóma“ er tilbúin.
Þessi ókjörna alþjóðastofnun, sem hefur umtalsverð áhrif á 193 aðildarríki sín, birti nýlega lokadrög að stjórnmálayfirlýsingu á aðalfundi allsherjarþings Sameinuðu þjóðanna um varnir gegn heimsfaraldri, viðbúnað og viðbrögð við heimsfaraldri (sjá pdf að neðan).
Lokadrög nýrrar stefnu Sameinuðu þjóðanna á borðinu 20. september 2023
Lokadrögin hafa að geyma fleiri samninga þjóðhöfðingja og ríkisstjórna sem miða að því að hefta málfrelsið. Að auki inniheldur yfirlýsingin loforð frá sömu þjóðhöfðingjum og ríkisstjórnum um að styðja við þau tvö tæki sem veita Alþjóðaheilbrigðismálastofnun Sameinuðu þjóðanna (WHO) aukið vald til að berjast gegn „falsupplýsingum“ og byggja upp eftirlitskerfi út um allan heim. Þessi gjörningur, alþjóðlegi heimsfaraldurssáttmálinn og breytingar á alþjóðlegu heilbrigðisreglugerðinni (2005), hafa verið í vinnslu síðan 2021 og þrátt fyrir ýmis bakslög, þá er meiningin að þær taki gildi í maí 2024.
Verið er að þróa lokadrög þessarar pólitísku yfirlýsingar fyrir fund SÞ um forvarnir gegn heimsfaraldri, viðbúnað og viðbrögð sem mun fara fram 20. september 2023 í New York. Á þessum fundi verður gengið frá þessari pólitísku stefnuyfirlýsingu sem lýst er í þessum drögum. Þó að pólitískar yfirlýsingar SÞ séu venjulega ekki lagalega bindandi, hafa þær veruleg lagaleg áhrif. Samkvæmt Sameinuðu þjóðunum standa slíkar yfirlýsingar fyrir:
„Þróttmikilli þróun alþjóðlegra lagalegra viðmiða og endurspegla skuldbindingu ríkja til að fara í ákveðnar áttir og fara eftir ákveðnum meginreglum.“
SÞ mun berjast gegn hatursorðræðu og fordómum á samfélagsmiðlum og öllum efasemdum um bóluefni gegn heimsfaröldrum
Fyrirhuguðum ritskoðunum er lýst í nokkrum köflum í lokadrögum þessarar stjórnmálayfirlýsingar. Í kafla OP35 eru þjóðhöfðingjar og ríkisstjórnir sammála um að:
„Gera ráðstafanir til að vinna gegn og takast á við neikvæð áhrif rangra upplýsinga tengdum heilbrigðismálum sem og falsupplýsingum, hatursorðræðu og fordómum, sérstaklega á samfélagsmiðlum“ og vinna gegn „efasemdum um bóluefni í tengslum við forvarnir, viðbúnaði og viðbrögð gegn heimsfaraldri.“
Að auki inniheldur hluti OP42 samkomulag um að berjast gegn „misvísandi upplýsingum.“ Aðildarríki SÞ styðja heimsfaraldurssáttmálann í kafla OP15 og eru sammála um að hvetja milliríkjasamninganefndina (hópinn sem ber ábyrgð á gerð og samningaviðræðum um heimsfaraldurssáttmálann) til að ljúka viðræðum um heimsfaraldurssáttmála WHO.
Marxísk hugmyndafræði í nafni jafnréttis
Aðildarríki Sameinuðu þjóðanna styðja ekki aðeins heimsfaraldurssáttmálann og þrýsta á að hann verði gildandi hið fyrsta, heldur hvetja þau einnig milliríkjasamninganefndina (Interngovernmental Negotiating Body, INB) til að forgangsraða „þörfinni á jafnrétti“ Jafnrétti er sett fram sem sanngirnismál en gagnrýnendur vara við því, að jafnréttisstefnan geti leitt til „hlutdrægni og róttækrar hugmyndafræði.“
Stuðningurinn við breytingar á alþjóðlegu heilbrigðisreglugerðinni (IHR) er að finna í kafla OP16 í lokadrögunum. Þar er vinnuhópurinn sem vinnur að þessum breytingum hvattur til að halda áfram starfi sínu með tilliti til fyrirhugaðrar lokadagsetningar í maí 2024.
Ritskoðun er „málfrelsi“ í huga glóbalista
Þessi stjórnmálayfirlýsing Sameinuðu þjóðanna er ein af mörgum leiðum sem SÞ hafa til að kæfa málfrelsið. Bara í ár byggja SÞ upp „stafrænan her“ til að berjast gegn „banvænum falsupplýsingum.“ SÞ hvetja fólk til að njósna hvort aðrir séu með „hatursorðræðu“ og fullyrt er að ritskoðun á „misvísandi upplýsingum og hatursorðræðu muni vernda málfrelsið.” SÞ hafa einnig ráðfært sig við nokkrar ríkisstjórnir og bandamenn þeirra um ritskoðunarstarf þeirra. Sérstaklega hafa „falsupplýsingafundir“ með ritskoðunarstofnun breskra stjórnvalda verið vinsælar og SÞ eru í samstarfi við EDB um hvernig eigi að takast á við „falsupplýsingar“ á stafrænum kerfum.
Hér að neðan má sjá skjalið um nýja alræðisstefnu Sameinuðu þjóðanna sem innlimar efnahagsmál, félagsmál og umhverfismál inn í heilbrigðismál. Þar fyrir neðan er myndskeið með umfjöllun um yfirlýsinguna og mynd um hvað vegferð Sameinuðu þjóðanna þýðir fyrir heimsbyggðina ef enginn stöðvar þessa fjandsamlegu göngu gegn þjóðum heims. Þar á eftir eru Heimsfaraldurssáttmálinn og eftir honum koma viðbótarbreytingar (2 skjöl) um alþjóða heilbrigðisreglur sem gera WHO að einvaldi yfir öllum aðilidarríkjum).
