30 ára áróður er að baki loftslagsáætlun stjórnmálamanna. En það sem loftslagsvarnarsinnar halda fram er nákvæmlega andstæða raunveruleikans, segir ástralski prófessorinn og jarðfræðingurinn Ian Plimer í viðtali við Sky News Australia fyrir nokkrum mánuðum síðan. „Græna stefnan byggir á algerri lygi“ fullyrðir hann staðfastlega. Við rifjum hér upp ummæli Ian Plimers.
SÞ sem og aðrir dómsdagsspúandi glóbalistar eru ekki siðferðilega æðri öðrum, þótt þeir segi það og haldi það sjálfir. Frekar hið gagnstæða, segir jarðfræðingurinn Ian Plimer.
Græna morðið
Áður fyrr gat venjulegt fólk fengið ódýra orku. Það var siðferðilegt. Nú hefur orkukerfið verið eyðilagt vegna algjörra lyga um loftslagið eins og Plimer orðar það í viðtali við Sky News:
„Við áttum ódýrt, traust rafmagn. Nú höfum við það ekki lengur. Hvað hefur gerst? Við höfum skipt yfir í endurnýjanlega orku. Það er siðlaust. Þvingar fólk sem á í erfiðleikum með að borga miklu dýrari rafmagnsreikninga. Ég mun ekki leyfa Græningjum eða SÞ að spila út siðferðisspilinu til að reyna að segja að þeir séu siðferðilega æðri.“
„Þeir kála fólki með stefnu sinni. Þess vegna kalla ég nýjustu bókina mína „Græna morðið.“ Vegna þess að græna stefnan eins og sú sem Sameinuðu þjóðirnar útfærir, drepur fólk. Þetta fólk veit um það, að það drepur.“
Hver einasta spá hefur verið röng í 30 ár
Samkvæmt Ian Plimer er Ástralía í raun mjög ríkt land, en í gegnum loftslagsáróður stjórnmálamanna og fjölmiðla hefur það kosið að eyða sjálfu sér.
„Það sem ég óttast er að almennir fjölmiðlar taki gagnrýnislaust við þessari vitleysu. Það sem hræðir mig er að þetta fólk fær hljóðnema og lýgur. Fellibyljum fjölgar ekki. Við höfum gögnin. Sjávarborð hækkar ekki. Sums staðar lækkar það og sums staðar hækkar það. Skógareldum fjölgar ekki. Við höfum enga aukningu í dánartilfellum af loftslaginu. Við höfum mikið af gögnum sem sýna nákvæmlega hið gagnstæða. Svo það sem þetta fólk er að gera, er að dreifa nákvæmlega andstæðu þess sem gögnin segja. Fjölmiðlar segja að við séum dauðadæmd. En hver einasta spá sem þeir hafa gert hefur verið röng. Þeir hafa verið uppteknir af þessari iðju sinni í 30 ár.“
Plimer bendir á, að heimsendaspámenn hafa enn ekki getað sýnt fram á grundvöllinn fyrir þeirri stefnu sinni, að „losun“ manna á koltvísýringi leiði til aukins hitastigs. Þar með fellur öll málafærsla þeirra.
