Uppfærð frétt. Svissneska Credit Suisse hríðféll á hlutabréfamarkaði á miðvikudag og aðrir helstu evrópskar bankar féllu einnig mikið. Þegar þetta er skrifað hefur Credit Suisse fallið um meira en 20% síðan í gær eftir daglegar rauðar tölur sex daga í röð á hlutabréfamörkuðum. Á heildina litið hafa hlutabréf bankans lækkað um allt að 96% frá hæsta verði.
Hrunið í dag kemur í kjölfar þess, að bankinn tilkynnti að það væru „verulegir veikleikar“ í eigin eftirliti í kringum efnahagsreikning bankans.
Stærsti hluthafi Credit Suisse er Saudi National Bank, sem hefur samtímis tilkynnt að ekki komi til greina að bæta meira fé til Credit Suisse, að sögn Reuters. Hrun hlutabréfanna er fremur kaldhæðnislegt eftir að Axel Lehmann, stjórnarformaður Credit Suisse, lýsti því yfir, að bankahrunið í Bandaríkjunum væri staðbundið fyrirbæri sem ekki myndi breiðast út. Aðrir evrópskir bankar lækkuðu einnig mikið á hlutabréfamörkuðum í dag, miðvikudag. Hlutabréf franskra stórbanka eins og Societe Generale og BNP Paribas féllu. Stórbankinn Nordea glataði 7,7%. SEB og Swedbank féllu 5,4% og 5,1% og Handelsbanken 4,2%.
Á verðbréfamarkaðinum í Stokkhólmi féll OMXSPI með 3,8% og OMXS30 með 4,1% sem gerir daginn að versta degi verðbréfamarkaðarins í rúmt ár.
