Opinbera frásögnin af gagnsókn Úkraínu er lygi. Stríðinu er eiginlega lokið og það er engin sókn lengur. Þetta segir heimildarmaður Seymour Hersh. Að sögn Hersh er stríðið núna á tímamótum. „Sundurtættur her“ Úkraínu hefur engan möguleika lengur á sigri.
Hinn heimskunni bandaríski blaðamaður Seymour Hersh, sem upplýsti að það voru Bandaríkin sem gerðu sprengjuárás á Nord Stream fyrir ári síðan, kemur fram með nýjar afgerandi upplýsingar um stríðið í Úkraínu samkvæmt Swebbtv.
Úkraínustríðið á tímamótum
Seymour Hersh skrifar í nýlegri grein á Substack:
„Næsta þriðjudag verður eins árs afmæli Biden-stjórnarinnar á eyðileggingu þriggja af fjórum gasrörum Nord Stream 1 og 2. Ég hef meira um það að segja en það verður að bíða. Hvers vegna? Vegna þess að stríðið milli Rússlands og Úkraínu, þar sem Hvíta húsið heldur áfram að hafna öllum viðræðum um vopnahlé, er á tímamótum.“
Verður að halda lyginni gangandi
Innan bandarískra leyniþjónustunnar er ástandið metið á þann hátt, að Úkraína hafi gefist upp á sókn sinni gegn Rússum og að það eina sem framlengir átökin sé afneitun Washington og Kænugarðs á mistökum sínum. Samkvæmt heimildarmanni Hersh, bandarísks embættismanns sem hóf feril sinn á því að vinna gegn árásargirni og njósnum Sovétríkjanna, er frásögnin um að sókn Úkraínu sé hæg en stöðug – tilbúningur. Heimildarmaður Hersh útskýrir:
„Allt er lygi. Stríðinu er lokið. Rússland hefur unnið. Það er engin sókn af hálfu Úkraínu lengur en Hvíta húsið og bandarískir fjölmiðlar verða að halda lyginni gangandi.“
Sagt er að margir innan bandarísku leyniþjónustunnar, ekki síst CIA, deili þessari skoðun. Samkvæmt heimildarmanninum er sannleikurinn sá, að ef úkraínska hernum yrði skipað að halda áfram sókninni myndi hann gera uppreisn. Heimildarmaðurinn segir:
„Hermennirnir eru ekki tilbúnir að deyja lengur en það passar ekki við þvæluna sem Hvíta hús Bidens skrifar.“
