ESB elítan valdi „stríðsanda“ í stað friðarviðræðna og þess vegna urðu stríðsátökin í Úkraínu bara verri. Peter Szijjarto, utanríkisráðherra Ungverjalands, skýrir frá þessu í viðtali við sænska sjónvarpið. Hann er lítið hrifinn af því, hvernig ESB hefur tekið á stríðinu í Úkraínu.
Að sögn Szijjarto ætti áherslan að vera friður, ekki fleiri vopn. Ungverjaland mun ekki gera eins og Svíþjóð og mörg önnur lönd og kynda undir stríðinu með vopnasendingum segir hann við sænska sjónvarpið SVT.
Vilja frekar „kremja Pútín en semja“
Naftali Bennett, fyrrverandi forsætisráðherra Ísraels, upplýsti nýlega, að friðarsamkomulag væri nærri komið í höfn skömmu eftir innrás Rússa í fyrra. En friðarferlið var eyðilagt af Vesturlöndum, sem frekar frekar „kremja Pútín en semja“ sagði Bennett. Núverandi meðhöndlun Vesturlanda á málunum hefur haft hrikalegar afleiðingar fyrir Úkraínu, að sögn Ungverjalands. Peter Szijjarto sagði:
„Við höfum þegar innleitt tíu refsipakka. Hefur það fært okkur nær lausn? Nei. Hefur það minnkað grimmdina í stríðinu? Nei. Hefur það knésett Rússland? Nei. Hefur það skaðað okkur? Já. Ég held að þær lausnir sem reynt var að finna í Evrópu hafi ekki virkað, því stríðsandinn tók yfir.“
Skynseminni fleygt út um gluggann
Fyrsta forgangsverkefni, að sögn Szijjarto, ætti þess í stað að vera að stöðva mannsdrápin. – Hvernig gerir maður það? Koma á vopnahlé og hefja umræður. Því miður hefur skynseminni verið hent út um gluggann. Szijjarto segir um Úkraínu:
„Skoðaðu innviðina, líttu á fólkið, líttu á fjölda þess fólks sem yfirgefur landið, skoðaðu fyrri húsbyggingar, skoðaðu skemmdirnar, skoðaðu orkumannvirkin. Landið eyðist, það eyðileggst. Ég held að það sé engum í hag.“
