Í Sofíu höfuðborg Búlgaríu köstuðu mótmælendur rauðri málningu á opinbera byggingu ESB s.l. sunnudag. Um þúsund manns tóku þátt í mótmælunum gegn ESB sem voru skipulögð af nokkrum samtökum og einstaklingum sem vilja binda enda á hernaðarstuðning ESB við stríðið í Úkraínu.
Meðal mótmælenda voru nokkrir þingmenn Endurvakningarflokksins, sem gagnrýnir ESB og Nató. Mótmælendur vilja sjá friðarviðræður í stað vopnasendinga og stigmögnun stríðsins. Í skilaboðum þeirra segir að „Búlgaría sé friðarsvæði.“
Bandaríska áróðursstöðin „Radio Free Europe“ segir mótmælendur vera „hlynnta Kreml“ og bendir á, að rússneskur fáni hafi sést á myndbandi af mótmælunum. Fleiri flokkar í Búlgaríu hafa greitt atkvæði gegn sendingu hernaðaraðstoðar til Úkraínu og fullyrða að slíkar aðgerðir eigi á hættu að eigið land þeirra dragist inn í tilgangslaust stríð gegn Rússlandi.
Sjá má myndbönd frá mótmælunum hér að neðan:
