Svíþjóð þarf núna að henda 8,5 milljónum skömmtum af „bóluefni“ gegn Covid-19, vegna þess að fólk vill ekki láta sprauta sig lengur, segir í frétt sænska ríkisútvarpsins SR Ekot. Richard Bergström, fyrrverandi skipulagsstjóri með bólusetningum í Svíþjóð, gagnrýnir sænsku Lýðheilsuna fyrir að hafa ekki skapað meiri eftirspurn til að fá Svía til að taka fleiri sprautur.
Ekot greinir frá því, að Svíar fargi nálægt 8,5 milljónum skömmtum „Covid-bóluefna“ sem samsvarar um það bil fimmtungi allra keyptra bóluefna í Svíþjóð. Ástæðan er sú, að Svíar vilja ekki lengur taka sprautuna. Bergström segir við Ekot:
„Stærsti hlutinn eru skammtar sem fólk vildi ekki taka, þ.e. skammtur 3, 4 eða 5. Það var þegar búið að kaupa þá og núna verður að eyða þeim.“
Skammtar fyrir 1,5 milljarða sænskra króna í súginn
Bergström, sem sagði skyndilega upp starfi sínu sem umsjónarmaður bóluefna síðastliðið haust, bendir á að honum hafi sjálfum verið ljóst, að Lýðheilsan myndi mæla með haustskammti örvunarsprauta „fyrir alla.“ En að sögn Bergströms var Lýðheilsan svo óljós með það og þess vegna féll eftirspurnin niður. Samtals er um að ræða „bóluefni“ fyrir 1,5 milljarða sænskra króna sem núna verður að henda. Ríkisútvarpið segir að enginn frá Lýðheilsunni hafi viljað koma í viðtal.
Einungis 0,1% undir 70 ára aldri deyja úr Covid að sögn sænsku Lýðheilsunnar
Þegar í mars 2020, þegar ósvífið veiruafbrigði var að herja á Svía, var Covid-19 dánartíðni meðal fólks undir 70 ára aldri einungis 0,1 %. Sérfræðingurinn Ryan Cole hefur áður sagt, að „bóluefnið“ sé hættulegasta læknavaran frá upphafi. Breski hjartalæknirinn Aseem Malhotra sagði í viðtali við Epoch Times.
„Það glæpsamlegasta var að hvetja fólk, sem hafði náttúrulegt ónæmi, til að taka bóluefnið. Sumar vísbendingar benda til þess, að þú sért þrisvar sinnum líklegri til að fá alvarlegar aukaverkanir, ef þú hefur þegar fengið Covid og ert að taka bóluefnið. Sérstaklega á fyrstu mánuðum. Þetta er handan við það sem er glæpsamlegt. Við skulum bara kalla það það sem það er.“
