Hryðjuverkamaðurinn Rakhmat Akilov sem myrti fimm einstaklinga og stórslasai fjórtan með því að aka vörubifreið viljandi á hóp gangandi vegfarenda á Drottningargötunni í Svíþjóð hefur sent erindi til mannréttindayfirvalda í Svíþjóð vegna meints slæms aðbúnaðar í fangelsinu þar sem hann er vistaður.
Þetta kom fram í máli Gústafs Skúlasonar í þættinum Heimsmálin, fréttir og fréttatengt efni af erlendum vettvangi í dag en hann var viðmælandi Péturs Gunnlaugssonar.
Gústaf segir að á sama tíma og hryðjuverkamaðurinn láti raðkvörtunum sínum yfir flestu í fangelsinu rigna yfir mannréttindayfirvöld sé verið að vísa einu af fórnarlömbum hans sem missti fót í árásinni úr landi.
Rétt er að geta þess að aðbúnaður í sænskum fangelsum er talinn vera til fyrirmyndar sé miðað við önnur Norðurlönd.
Hlusta má á þáttinn í spilaranum hér að neðan.
