Á jaðri vinstri-frjálshyggjunnar vilja margir rífa landamæri og láta allt fólk í heiminum setjast að, þar sem það vill. Nýleg könnun sýnir, að það myndi fljótlega hafa hrikalegar afleiðingar fyrir Svíþjóð og þýða tvöföldun íbúanna, þar sem mikill meirihluti kæmi frá löndum sem nú þegar eru með stóra erfiða innflytjendahópa í Svíþjóð.
Rúmlega milljarður manna frá vanþróuðum löndum vill frekar fara til Vesturlanda til að upplifa lífskjör án nokkurrar fyrirhafnar, sem aðrir hafa skapað, heldur en að bretta upp ermarnar og leggja hart að sér við að þróa eigið land. 10 milljónir þeirra vilja sérstaklega fara til Svíþjóðar. Nýlega birtist niðurstaða alþjóðlegrar rannsóknar (sjá pdf að neðan) sem gerð var af Gallup World Poll (GWP) í samstarfi við sænska Delmi. Var rætt var við fólk í meira en 160 löndum. Svíar verða fljótt að minnihluta í eigin landi ef þessi innrás verður ekki stöðvuð.
Nokkrar af niðurstöðum rannsóknarinnar
- Umtalsvert hlutfall íbúa í vanþróuðum löndum heims vill flytja burt – aðallega til ríkari landa.
- Um helmingur þeirra sem vilja flytja til Svíþjóðar býr í fimm löndum: Kína, Íran, Tyrklandi, Írak og Rússlandi.
- Svíþjóð er einnig sérstaklega vinsælt í ýmsum löndum með tiltölulega fáa íbúa t.d. Palestínu, Sómalíu, Serbíu, Bosníu og Hersegóvínu og Svartfjallalandi. En jafnvel þótt viljinn til flytjast burtu sé mikill, þá orsakar fámennið ekki mikla fólksflutninga frá þessum tilteknu löndum.
- Þeir sem vilja flytja frá heimalöndum sínum eru ólíkir þeim sem kjósa að vera áfram. Oftast er um að ræða unga karlmenn án fjölskyldu sem búa í borgum og eru tiltölulega vel menntaðir og með hærri tekjur.
- Þeir sem taka sérstaklega fram, að þeir vilji flytja til Svíþjóðar skera sig einnig úr að því leyti, að þeir eru minna trúaðir og eiga oftar við heilsufarsvanda að etja.
- Þótt kannanir á vilja til fólksflutninga séu mikilvægar til að geta betur spáð fyrir um fólksflutninga í framtíðinni, þá eru þær á byrjunarstigi. Við þurfum fleiri mismunandi mælikvarða á viljann til að flytja og meiri þekkingu á því hvernig ákvarðanir einstaklinga mótast til þess að flytja.
Langflestir sem vilja koma til Svíþjóðar eru frá þriðja heiminum
Þeir eiga ættingja og kunningja í Svíþjóð sem hafa sagt þeim frá því, að hver sá sem kemur til Svíþjóðar fær ókeypis húsnæði, ókeypis framfærslu og ókeypis aðgang að allri velferðarþjónustu án þess að þurfa að leggja neitt á móti. Velferðarkerfið, sem þegar er farið að rifna í saumunum, myndi hrynja ef Svíþjóð opnaði dyrnar fyrir þeim 10 milljónum velferðarleitendum sem vilja komast þangað. Hvorki er til nógu mikið húsnæði, félagsbætur né skólar, umönnun og félagsleg umönnun gætu engan veginn staðist slíka árás.
Félagslegir ferðamenn
Af um það bil einum milljarði manna sem búa í vanþróuðum löndum og vilja fara þaðan eru þrír af hverjum fjórum í leit að efnahagslegum ávinningi og velferð. Bandaríkin eru efst á heimslistanum. Rúmlega einn af hverjum fimm fer þangað. Tæplega einn af hverjum tíu fer frekar til Kanada og svipaður fjöldi kýs Ástralíu. 5% vilja fara til Þýskalands, 4% til Frakklands og 2% til Spánar. „Aðeins“ 1% hefur Svíþjóð sem fyrsta val.
Af þeim sem vilja sérstaklega fara til Svíþjóðar er mikill hluti fólk með heilsufarsvandamál sem laðast að opinberri fjármögnun og umönnun – fólk sem fyrrverandi S-leiðtogi og forsætisráðherra Göran Persson kallaði „félagslega ferðamenn.“
Skýrsluna má sjá hér að neðan á sænsku á pdf
